RDP ya pula oECN yi tse uukalata womahogololo ombuthulu

ONGUNDU yo RDP oya ti oyina oshimpwiyu kutya ota shi vulika aahogololi mboka ya hogolola nale mo 13 ga Novemba ya kambadhale okuhogolola olutiyali.Shika ongundu oye shi ulike no ya ti ota shi vulu okuningwa shili ngele, Okomisi yomahogololo ina yi ninga posha okushikeelela.

Montumwafo ya eguluka ongundu yoRDP oya shangele omuwiliki gwomahogololo Moses Ndjarakana, kutya opena ompito kutya aahogololi mboka ya hogolola mo 13ga Novomba ota ya vulu okuhogolola pehulilo lyomwedhi nguka ishewe, ngele ina pa tulwa omalongekidho okukeelela shika kaashiningwe.Konyala aayendifuta 2 200 oya hogolola pomunkulofuta metitano lyaziko noshowo aaNamibia 900 pondje yoshilongo oya ulike ehogololo lyawo.Ombilive oya ti’Aanamibia ota ya vulu ishewe okuhogolola moshitopolwa shimwe shoshilongo konima sho ya hogolola mushimwe,shika ota ya vulu okushininga ta ya longitha okambapila hoka haka tulwa mekutu.” Nyamu ta ti, ngoka oye amushanga ndjai gwo RDP.Ombilive ndjika Nyamu okwe yi tumine woo kiikundaneki.Okwa ulike kutya monaku ziwa aahogololi mboka yena omadhiladhilo go kufukila oya kongo omukalo okudhimako ohinga ndjoka kiikaha yawo, opo ya vule okuhogolola ishewe.Nyamu okwa pula kutya opena omalongekidho geni po ga tulwa po, opo pu keelelwe shika kaashi ningwe nonuumvo.Okwa ti ongundu ye oya hala molwa uuyuki, nuuyelele, noshowo uuthike pamwe, oKomisi yomahogololo yi tse okambapila komuhogololi kehe a hogolola ombuthulu okuulika kutya ngoka okwa hogolola, nenge okambapila ka ndhindhilikwe nomukalo gwontumba opo pu yandwe efukilo lyomahogololo.Onkambadhala oku mona eyamukulo okuza kOkomisi yomahogololo ina yipondolasha oshoka aanambelewa yomahogololo oya li yi ipyakidhila noku konakona omaindilo gaatoolinkundana kombinga yokushanga iinima yomahogololo.Metitatu aatonateli yomahogololo ta ya zi pondje yoshilongo oya thiki moshilongo oku ya ya talele omahogololo.Mbaka ota ya zi moSADC noshowo kuukumwe waEuropa.