RDP a indile oshigwana shi imange kumwe shi etepo elunduluko

OMUPEVI persidende gwo Rally for Democracy and Progess, okwa indile oshigwana sha Namibia shi imange kumwe noshi hogololele ongundu ye. Eindilo ndika okwe li ningipethimbo lyoshigongi shongundu ye poKeetmanshoop olyomakaya.Steve Bezuidenhoudt okwa pangula omukalo ngoka epangelo ta li lele nagwo oshilongo pethimbo ndi.

Okwa uvaneke kutya ngele ongundu ye oya tulwa koshipundi, ota yi ka eta po omalunduluko ogendji.Ta ti ota yi ka lundulula oku za mepangelo lyoluhepo okuya mwaandyoka lyemanguluko lyashili, nomwaandyoka aantu taa ya yambapala.Elunduluko okuza miipangelo kaayina miti nomepangelo ndyoka iipangelo ta yi gandja eyakulo lyiihwapo. Elunduluko oku za mokuumbwa nolwithi lwomahodhi okuya memanguluko lyolela. Bezuidenhoudt ta tsikile ta ti ongundu ye ota yi eta elunduluko okugandja omuperesidende ha ningi omatokolo okuyeleka naangoka ihaa tokola sha. Omalunduluko okuza mepangelo ndyoka hali hakana po oobursary, okuya kwaandyoka ta li gandja oobursary. Bezuidenhoudt ta ulike omalunduluko ngoka ongundu ye yina momadhiladhilo.’Itatu dhimbwa oobursary ethele limwe poshitaafula, ndele ota tu dhi pe aanona ethele limwe.Okwa indile aayambdhidhi yoRDP ya kale noshinakugwanithwa, ngele oya hala puye omalunduluko. Okwa ti naya lunduluke oku za koSwapo okuya koRDP. Naya lunduluke okuza ku Pohamba oku ya ku Hamutenya.Moku ulika komushangwahokololo gwehangano lyiikulya muuyuni ndyoka lya ti kutya Aanamibia konyala 400 000 ota ya si ondjala, Bezuidenhoudt, ‘Okwa ti nopethimbo lyuukoloni shika ina shi uvika mo muka shaantu kaayena iikulya yagwana’.Okwa ti ishewe aanona ya valwa moshilongo sha manguluka ka ye shi aavalwa yamanguluka ndele shila oya valelwa methimbo lyuupika wopamahupilo noshowo ethimbo lyokwaaniilonga.Oshilyo shoRDP, Fillemon Kanime okwa ti ookansela yiitopolwa ngaashi aniwa Hilma Nikanor, naamboka yaKarasburg noshowo gokOranjemund oya tulwa kombinga ndjoka opo kaa ya ete po nando ehumokomeho moshitopolwa shomuumbugantu.’Tse ota tu ka eta po elunduluko melelo lya tya ngaaka ngele otwa tulwa koshipundi’ Kanime ta uvaneke. Omuleli gumwe gwoRDP okwa lundilie aaleli yoSwapo kutya oya kanyatela ashike konakuziwa, Trougott Kaffer okwa ti opwa pumbwa elunduluko opo Aanamibia ya kale nonkalamwenyo ombwanawa. Okwa ti RDP ita tegelele we oku kala ashike a tala oshilongo ta shi mono iihuna kohi yepangelo lyoSwapo.