Ramatex a zimina okufuta aaniilonga

R AMATEX okwa zimine okufuta aaniilonga ye mboka a kutha miilonga ondjambi yoomwedhi mbali, oshimaliwa shepango nosho wo omasiku gefudho ngoka ya li ye na ko.

Pahokololo lyoonzo dhi shi okwiinekelwa, okampani ndjika yAamalaysia, oya zimine okufuta aaniilonga yawo konima sho Epangelo lya ningi omatilitho kutya otali ka kwata ko oopasporta dhewilikongundu lyawo opo kaali ze mo moshilongo. Aaniilonga ye vulithe po 3 000 oya thigwa yaa na iilonga konima sho Ramatex a pata ombaadhilila oshikondo she dhokuhondja oonguwo shedhina Flamingo Garments – sha ningilwe kuyele omwedhi gwa zi ko.Okampani ndjika otayi popi ngeyi kutya oya pata mu Namibia molwashoka aniwa oya kanitha oshimaliwa shi li poomiliyuna omathele gatano (N$500 million), ashike omapopyo ngaka oga tindwa kaasokoni ye na sha niinima yaaniilonga.Amushanga-Ndjayi gwehangano lyaaniilonga lyedhina Namibia Food and Allied Union (Nafau), Kiros Sackarias mboka oyo ya kala moonkundathana newilikongundu lya Ramatex moshinima shika, okwa koleke kutya ofuto yaaniilonga moshiluku shotango, oya futwa nale nokuli mEtiyali.Sackarias ta ti patsokumweuvathano ndyoka ya shaina na Menindjela gwa kwalukehe mu Ramatex Boon Keon Ongensures, Aanamibia mboka ya kanitha iilonga oye na okufutwa ondjambi yiiwike iyali momumvo kehe omuntu a longa mokampani ndjika.Oshinima shoka oshi thike nee pondjambi yoomwedhi mbali okuza kethimbo ndyoka sigo opehulilo lya Mei.Otaya ka futwa wo oshimaliwa shomasiku gomafudho gawo ngoka ge li ko mwakwatelwa wo oshimaliwa shoopelesenda 70 shiifuta yopaunamiti ya Apilili.”Ongashi naanaa mu shi shi kutya pokuma mpoka opwa li omaupyakadhi gopaunamiti nomolwashoka, otwa ziminathana nee kutya aaniilonga ayehe otaya pewa uuthemba oku ka konakonwa, nomakonakono gawo otaga futwa nee kokampani.”Omakonakono ngoka otaga vulu okuningwa komundohotola kehe e na uuthemba wokupanga, niizemo mbyoka oyi na oku falwa okampani,” ta popi ngaaka.Sackarias ta ti etsokumweuvathano ndika olya kwatela mo nee aaniilonga yAafilipino nosho wo Aasia, nUuministeli wIimaliwa owa zimina kutya Aanamibia itaya ka futithwa iishoshela (otexi) moshinima shika.”Nando nee Aafilipino oya li owala ya pewa omasiku gaheyali gefudho pakondalaka yawo ndjoka ya shainina pondje yoshilongo, otatu ka thiminika Ramatex a hwepopeke oofuto dhawo opo ya mone oshimaliwa shi li nawa omanga inaya shuna komagumbo,” Sackarias ta popi.Momasiku 14 gaMaalitsa, Nafau okwa li a nwethamo Ramatex a fute aaniilonga oshimaliwa shokuthiga po iilonga.Petameko, okampani oya li ya popi kutya otayi ka futa owala oondjambi dhoshiwike shimwe inaku gwedhwa nando osha, ngashi naanaa sha totwa mo mOveta yAaniilonga.Nando ongaaka, Nafau okwa thiminike ishewe Ramatex mEtitatu lyoshiwike sha zi ko nokukuutumba naye opo a gandje oshimaliwa sha gwedhwa po.Ong ta ti inashi talika ko kutya Ramatex okwa pata ombaadhilila molwashoka omishangwa kombinga yoshinima shika odha kala dha shangwa kekuma okuza momumvo 2006.Ramatex okwa tameke iilonga ye mu Namibia momumvo 2001 konima sho Uuminsteli wIipindi nIikwafaabulika wa li wa tseyitha kutya owa sindana po oproyeka yobiliyuna komeho ga South Afrika na Madagascar.Oshinima shika osha li nee sha ningitha nokuli Uuministeli wu hilile NamWater, NamPower na Muni gwa Venduka moshinima shika opo iilonga ya Ramatex yi tameke.Iilongomwa ya Ramatex oya kala nokutumwa ku Amerika, ashike inaku kala kwa tseyithwa puuyelele kutya oha mono mo oshimaliwa shi thike peni – oshinima shoka osha etitha omaipulo omanene moshigwana sho Ramatex a tameke okupopya kutya iha mono ovenisa nando nee a kala a pewa omauwanawa kiikondo ya tumbulwa.Oshikondo shotango sha Ramatex shedhina Rhino Garments osha pata momumvo 2005.Omumvo gwa zi ko, Ramatex okwa li wo a pata oshikondo she shokuhondja nokutula iiyata omalwaala, shoka sha thigi owala oshikondo sha Flamingo osho ashike tashi longo.Ookatalekonawa yamwe oya popi kutya Ramatex okwe ya ku Namibia nelalakano lyokwiimonena omauwanawa mu shoka hashi ithanwa Africa Growth and Oppoertunity Act (Angoa).Oveta ndjika ya Angoa oya li ya pitithwa ku Amerika petameko lyommilenium nokugandja omauwanawa gontumba kiilongomwa yimwe mbyoka hayi zi kiilongo mbyoka opo tayi putuka.Okuza sho Ramatex e ya mu Namibia, oveta ndjika oya ningululwa omanga ookondalaka ndhoka dha gandja omauwanawa kiilongo mbyoka opo tayi putuka dha kwisha wo.Aaniilonga ye vulithe po 3 000 oya thigwa yaa na iilonga konima sho Ramatex a pata ombaadhilila oshikondo she dhokuhondja oonguwo shedhina Flamingo Garments – sha ningilwe kuyele omwedhi gwa zi ko.Okampani ndjika otayi popi ngeyi kutya oya pata mu Namibia molwashoka aniwa oya kanitha oshimaliwa shi li poomiliyuna omathele gatano (N$500 million), ashike omapopyo ngaka oga tindwa kaasokoni ye na sha niinima yaaniilonga.Amushanga-Ndjayi gwehangano lyaaniilonga lyedhina Namibia Food and Allied Union (Nafau), Kiros Sackarias mboka oyo ya kala moonkundathana newilikongundu lya Ramatex moshinima shika, okwa koleke kutya ofuto yaaniilonga moshiluku shotango, oya futwa nale nokuli mEtiyali.Sackarias ta ti patsokumweuvathano ndyoka ya shaina na Menindjela gwa kwalukehe mu Ramatex Boon Keon Ongensures, Aanamibia mboka ya kanitha iilonga oye na okufutwa ondjambi yiiwike iyali momumvo kehe omuntu a longa mokampani ndjika.Oshinima shoka oshi thike nee pondjambi yoomwedhi mbali okuza kethimbo ndyoka sigo opehulilo lya Mei.Otaya ka futwa wo oshimaliwa shomasiku gomafudho gawo ngoka ge li ko mwakwatelwa wo oshimaliwa shoopelesenda 70 shiifuta yopaunamiti ya Apilili.”Ongashi naanaa mu shi shi kutya pokuma mpoka opwa li omaupyakadhi gopaunamiti nomolwashoka, otwa ziminathana nee kutya aaniilonga ayehe otaya pewa uuthemba oku ka konakonwa, nomakonakono gawo otaga futwa nee kokampani.”Omakonakono ngoka otaga vulu okuningwa komundohotola kehe e na uuthemba wokupanga, niizemo mbyoka oyi na oku falwa okampani,” ta popi ngaaka.Sackarias ta ti etsokumweuvathano ndika olya kwatela mo nee aaniilonga yAafilipino nosho wo Aasia, nUuministeli wIimaliwa owa zimina kutya Aanamibia itaya ka futithwa iishoshela (otexi) moshinima shika.”Nando nee Aafilipino oya li owala ya pewa omasiku gaheyali gefudho pakondalaka yawo ndjoka ya shainina pondje yoshilongo, otatu ka thiminika Ramatex a hwepopeke oofuto dhawo opo ya mone oshimaliwa shi li nawa omanga inaya shuna komagumbo,” Sackarias ta popi.Momasiku 14 gaMaalitsa, Nafau okwa li a nwethamo Ramatex a fute aaniilonga oshimaliwa shokuthiga po iilonga.Petameko, okampani oya li ya popi kutya otayi ka futa owala oondjambi dhoshiwike shimwe inaku gwedhwa nando osha, ngashi naanaa sha totwa mo mOveta yAaniilonga.Nando ongaaka, Nafau okwa thiminike ishewe Ramatex mEtitatu lyoshiwike sha zi ko nokukuutumba naye opo a gandje oshimaliwa sha gwedhwa po.Ong ta ti inashi talika ko kutya Ramatex okwa pata ombaadhilila molwashoka omishangwa kombinga yoshinima shika odha kala dha shangwa kekuma okuza momumvo 2006.Ramatex okwa tameke iilonga ye mu Namibia momumvo 2001 konima sho Uuminsteli wIipindi nIikwafaabulika wa li wa tseyitha kutya owa sindana po oproyeka yobiliyuna komeho ga South Afrika na Madagascar.Oshinima shika osha li nee sha ningitha nokuli Uuministeli wu hilile NamWater, NamPower na Muni gwa Venduka moshinima shika opo iilonga ya Ramatex yi tameke.Iilongomwa ya Ramatex oya kala nokutumwa ku Amerika, ashike inaku kala kwa tseyithwa puuyelele kutya oha mono mo oshimaliwa shi thike peni – oshinima shoka osha etitha omaipulo omanene moshigwana sho Ramatex a tameke okupopya kutya iha mono ovenisa nando nee a kala a pewa omauwanawa kiikondo ya tumbulwa.Oshikondo shotango sha Ramatex shedhina Rhino Garments osha pata momumvo 2005.Omumvo gwa zi ko, Ramatex okwa li wo a pata oshikondo she shokuhondja nokutula iiyata omalwaala, shoka sha thigi owala oshikondo sha Flamingo osho ashike tashi longo.Ookatalekonawa yamwe oya popi kutya Ramatex okwe ya ku Namibia nelalakano lyokwiimonena omauwanawa mu shoka hashi ithanwa Africa Growth and Oppoertunity Act (Angoa). Oveta ndjika ya Angoa oya li ya pitithwa ku Amerika petameko lyommilenium nokugandja omauwanawa gontumba kiilongomwa yimwe mbyoka hayi zi kiilongo mbyoka opo tayi putuka.Okuza sho Ramatex e ya mu Namibia, oveta ndjika oya ningululwa omanga ookondalaka ndhoka dha gandja omauwanawa kiilongo mbyoka opo tayi putuka dha kwisha wo.