Popyeni ongeshefa

OMUPERESIDENDE Hifikepunye Pohamba okwa indile osheendo sha Namibia shilongithe ethimbo lyasho poshigongi sho Commonwealth Business Council mo London shi ninge omakwatathano gopangeshefa naanangeshefa yaahoka.

Okwa ti oya tameke oku kundathana naangeshefa yomuuyuni ndele yamwe oya li ya hala oku popya opolitika, ndele ye okwe ya indile kutya oonkundathana na dhi kale kombinga yongeshefa niipindi. Okwe ya gunu ya hokolole kombinga yongeshefa moNamibia nokutungapo omakwatathano gopaindi naantu yalwe, noku ya ithana ko Namibia opo yi italeleko yoyene ku shoka Namibia ta vulu oku ya pa. Pohamba okwa popi ndhika nosheendo shaanangeshefa aaNamibia poshigongi shomasiku gaali oshiwike sha yi moUK. Pohamba okwa popitha woo aananheshefa yokiilongo pethimbo lyolusitati a ti oku na einekelo kutya ekwatathano netsakaneno lyaanangeshefa ndika ota li ka hulila medhikopo lyoongeshefa.