Pontu okwa pumbwa N$300,000 opo a mone etando

OKAMATYONA koomvula 18, Naftali Pontu, ota ka indile ekwatho koshigwana shi ka umbile ongalo yoshimaliwa shOondola/N$300,000 opo ka ka tandwe kOshipangelo ko Ndowishi.

Pontu oku na uuvu womutina, mboka wa fulitha epunda lye. Aavali ye kaye na nee mpoka taya adha oshimaliwa shika.
Pontu okwa lombwele Oshifo shika ye mwene kutya, okwa lombwela kutya okwa pumbwa oku ka tandwa uuvu wehuli koNdowishi.
‘Ongele owala nda andwa, opo tandi vulu oku kala nda aluka. Onkee nee otandi indile koshigwana opo shi kwathelendje naashoka shi na po opo ndi vule oku ka tandwa,’ Pontu ta popi ngaaka.
Uudhigu mbuka owe mu tameke omanga eli omushona, e na oomwedhi dhontumba.
Epunda lye olya tameke okufula na ngele lya tameke okweehama, oonkandja ohadhi tukuka kombanda.
Ohashi eta nee mpaka a kale ita vulu okufudha nawa noha tameke okukunga, okuya kondje nokukolola ombinzi.Uupyakadhi mbuka owe mu etele a kale a thiga po osikola omanga ali mondondo ontintatu. Aakuluntu ya Pontu nando yena omwenyo ayehe, yina Aili Pontu oye ashike na iilonga ye oyokwoopaleka ashike.
Mboka nee mwa hala okutondoka onkugo ya Pontu ndika, opwa patulula okambo kOmbaanga hoka taku umbilwa oshimaliwa. Edhina lyokambo: Naftali PontuOnomola: 38 765 153 5, Standard Bank Ondangwa.
Ngele owa hala oku ninga omakwatathano nooPontu, meme Liili ota monika
ko 081 2586 117 omanga Naftali yemwene oko 081 3305 356.