Polytech na Agra ya koleke euvathano

EHANGANO lyuunamapya lyedhina AGRA noPolytechnic ya Namibia ndjoka yina oshikondo shelongo lyoonzo dhuuntshitwe, omatalelopo mwa kwatelwa nuunamapya oya koleke euvathano oshiwike shayi.

Euvathano ndika olya kwatelamo egandjo lyiimaliwa yokwiilongitha kaailongi mboka ya longo nawa, okugandja iilonga yokwiidheula yoopalela aailongi moongeshefa dha Agra, okulongitha Agra molwa omapekaapeko, noshowo okugandja ondjambi pandulo komumvo kaailongi mboka yi ilongo nawa.Pauvathano ndika Agra ota kala woo ha gandja omupopi ngoka ta popitha aailongi yomoshikondo shoonzo dhopaushitwe, omanga Agra ota kala ishewe ha kuthombinga momauliko gomaithano penongelo ndika.Euvathano olya shainwa komukuluntu gwoPolytechnic ,omundohotola, Tjama Tjivikua nomukuluntu gwoshikondo shomakwatathano gwAgra, Birgit Hoffmann, ngoka a ti euvathano ndika oshiholelwa shelongelokumwe pokati kehangano lyepangelo naandyoka lyopaumwene.Okwa ti Agra okwa hala okugandja sha uuna aailongi ta ya tameke iilonga na okwa hala oku hila nokukaleka aanawino mboka yeli moshilongo.Okwa ti Agra okwa hala okukala omugandji gwiilonga omuhogololwa kaailongi yuunamapya naamboka yena ohokwe muunangeshefa.Pahapu dha Tjivikua ekwatathano lyoludhi nduka oha li kwatha aaningi yomatokolo opo ya kale yena euveko ewanawa nkene enongelo lye ta li vulu okulongelakumwe okweeta po uungomba uupe noshowo omapekaapeko ga dhenga mbanda.Konyala aalongwa ye vule 1 100 ota yiilongo moshikondo shoonzo dhopaushitwe poPolytechnic, mpoka ta ya lesha ewiliko lyevi, uunamapya, negameno lyuushitwe.Euvathano ndika okwa tegelelwa li kale olunza lwaanawino momahupilo guunamapya, aawiliki moongeshefa dhuunamapya, aanawino muungomba wuunamapya nosho tuu.Omulongwa gwoPolytechnic yaNamibia muunamapya, Angelina Operi Kanduvarisa oye gwotango a pewa iimaliwa yeilongo ko Agra, yongushu yoodola 23 000.