OMUPRESIDENDE Hifikepunye Pohamba, ota ka kwatela komeho omaashinga onene, yi li ompinge niilonga yokoraputo tayi -ka ningwa momasiku 28 gomwedhi nguka.
Shika osha tseyithwa kOkoomisi yi na sha nekondjitho lyiilonga yOkoraputo/Anti-Corruption Commission (ACC) nehangano li na sha nomayambulopo gaakiintu/Women Action for Development (WAD) mEtiyali lyoshiwike shika.
Omaashinga ndjika otayi ka hulila po Parliament Gardens, mpoka Pohamba ta ka gandja oshipopiwa sha simana.Omaashinga ndjika otayi ka kala kohi yoshipalanyolo, ‘Ndjoina Olugodhi lwokukondjitha Okorapushina opo Namibia li yambapale.’
Omuprimaminista Nahas Angula, Omunashipundi gwOmutumba gwOpashigwana, Theo Ben Gurirab, Omumbiishofi gwOngeleka ya Onkwaevaangeli pa Lutheri mOrepublika ya Namibia, Zephania Kameeta, Amushanga-Ndjayi gwopakathimbo gwOlaata yAagundjuka yOpashigwana, Mandela Kapere, Omupanguli omukuluntu, Peter Shivute nOmukuluntukwatakanithi gwOoprograma dhIigwanahangano, Simon Nhongo, nayo opo taya ka kala pomaashinga ndjika.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
