Pohamba a hiya Omuwa Andrew

OMUPERESIDENDE Hifikepunye Pohamba okwa hiya Omuwa, Andrew opo eye talelepo Namibia.

Pohambaokwa ningi ehiyo ndika pethimbo a li a talelepo Uuwa wa Buckingham moLondon oshiwike shayi. Pahapu, dha Ben Nangombe omuwiliki gumwe mOmbelewa yOmuperesidende, Duuki gwa York, okwa zimine ehiyo ndyoka nawa. Pethimbo lye tsakaneno na Pohamba, Andrew oya kundathana iinima oyindji mwa kwatelwa iipindi pokati ka Britania na Namibia, elongo, uundjolowele, uunamapya, uutalelipo, nomatungo giilongithwa nima ngaashi oondjila nayilwe. Andrew okwa tiwa okwa uvaneke opo a longe noshikondo shopaumwene shaandjawo opo eshi hokololele shi vule oku kwatha Namibia opo a vule oku taalela omashongo muundjolowele, melongo, gamwe gaangoka ga za kethimbo lyuukoloni.Nangombe okwa ti nguka okwa ti ota ka indila aanangeshefa aaIngilisa opo ya tale oompito dhokupungula moNamibia mwa kwatelwa nokutungapo iiyalo ngaashi oondjila nayilwe.Omahokololo ngoka ga li po kutya William nomukadhi Catherine oyi ile muka okutalelapo kashi shi oshili .Okwa li kwa kundanekwa kutya mbaka oye li muka moshitopolwa Erongo. Ndele mbaka oya monikilwe moonkundana dho Teevee ya Sky ye li pesiku lyaakwiita po Windsor ehuliloshiwike.