Pata Juptner a dhana Oomvula 50 mUupristeri

PATA Walter Juptner gwOngeleki ya Katoolika ka Roma pOkatana mOshitopolwa sha Shana, mOsoondaha ya zi ko okwa dhana Oshituthihambelelo she sho a gwanitha oomvula omilongontano mUupris- teri.

Oshituthihambel- elo she shoka sha li sha tetekelwa kEmisa Eyapuki lyOsoondaha pOkatana mpoka, ndjoka a li a kwatele komeho ye mwene, osha li sha kalwa kOopata yakwawo oyendji ya za koombinga noombinga dha Namibia oshowo kAadiakoni oyendji, unene yomO- shitopolwangeleki sha Katana nosha Shikuku, kOoseesita noshowo nee kAakriste oyendji yOnge- leka ya Katoolika nosho tuu, mboka ayehe yiile okunyanyukwa noku- hambelela pamwe na Pata Juptner moshituthi she shika sha simana nosha pumba noonkondo pethimbo ndika.’ Hambeleleni Mwene pamwe nangaye,’ Pata Juptner ta ti ngawo pethimbo ta tameke Emisa Eyapuki, ngashi naanaa e li ningile lwotango meti 12 Juli 1961mo Roviano sha Itali.Pata Omukuluntu gwOopata ya Oblate Maria Immaculate (OMI) Pata Linus Ngesomesho, oye a ningi euvitho moka a halele Pata Juptner om- polo ombwanawa mos- hituthi she shokwaadha omimvo 50 mUupristeri. Ta ti oshigwana Os- hikriste sho sha gongala, shuudha ndoo Ongeleka ya Katana, oshe ya okumu pandula nEpan- dulo enene lyokugalikana nokuhambelela pamwe naye. Pata Ngenomesho ta dhimbulukitha Aariste Aakatoolika kutya sho Oopata, ano Aasita aaku- lu taya ende taya koko nokukulupa ngeyi, otwa pumbwa okukankama nokudhilaadhila nawa. Ta ti sho Oopata aakokoli yOngeleki ya Katoolika moNamibia taya ende taya koko ngeyi, Aakriste Aakatoolika moNamibia oya gwana okugalikana opo Kalunga a gandje nokukokeka omahalo omawanawa momitima dhaagundjuka aamati naakadhona Aanamibia ya kuthe omaithano gUupata ano gUupris- teri nogUuseesita opo ya pingene po mboka taya ende taya hulu ko omoluukokele nosho tuu pethimbo ndika. ‘Oop- pata tu neni nena, oya engena ko noye li taya tsu nondhikwa. Onkee natu kaleni twa ilongekidheni opo, tseni ongAanamibia, tu tsikileni ko mpoka ya hulila nenge taya ka hulila,’ Pata Ngenomeshota ti ngawo. Ta ti oshigwanaoshikriste sha Katoolika nashi kale tashi galikana ku kalunga kasho ngoka e li Kalunga Omunahenda, Omunambili, Omunahole nOmudhiminepo nota vulu ayihe.’ ‘Shigwana sha Kalunga, ino dhim- bwa okugalikana. Tu galikaneni omathimbo agehe, oshoka okugalika- na oko okukala mekwa- tathano na Kalunga koye. Nantu tsikileni noku mu indila e tu pe oonkondo dhokugalikana opo e tu pe shoka twa pumbwa, unene okwiindila tu mone aanyasha mboka taya vulu okukwatela Onge- leka komeho nokutsikila neuvitho lyohapu ya Ka- lunga mokati koshigwana she,’ Pata Ngenomesho ta ti ngawo nokutsikilako ta ti kutya ethimbo olyo ndika okulongela Kalunga noku mu kalela noshili. Ta ti oshigwana sha Kalunga inashi kala tashi ti ngula ngula. Shoka sha pumbwa okwi- itedhulula, nashi itedhu- lule manga kuyele. Nashi itedhulule manga inakutoka. Pata ta ti Aakriste naya kale Aanambili noye na ohole yoshili yuum- wayinathana. Ta ti kehe ngoka hi iti Omukiriste, omulanduli gwa Kris- tus, na kale omunambili nomudhiminipo shili, Omugalikani nomuna- henda nayakwawo.Ta indile nee Pata Juptner kutya a kale a dhimbulula kutya oomvula otadhi ende nee tadhi yi na inashi pum- bwa naanaa unene a kale ta longo ti idhipagele po noonkondo. ‘Pata gwetu, longa ngaa kashona, ino idhipagela po we ngashi nale, na tyapula ond- jila yopetameko yokuya moshipundi shevululuko lyoye. Kulupa nomeho mayego tu ku taasinine,’ Pata Ngenomesho ta lombwele Pata Juptner ngawo noku mu halela ompolo ombwanawa mesiku lye ndika lya simana noonkondo. Ta ti na tange nokuhambelela Kalunga ke, ngoka e mu gamena oomvula adhihe ndhoka nota tsikile na- tango noku kala pamwe naye noku mu gamena.