OMUPANGI omukulu Annchen Parkhouse ngoka a tseyika nawa muundjolowele wopetameko moNamibia okwa mana oondjenda dhe konima yuuvu wokathimbo.Parkhouse okwa li omuniilonga guundjolowele mombinzi, a pala oondjila dhuundjolowele muumbangalantu woshilongo poomvula dho 1960 pethimbo lyeegululo lyoshipangelo shepangelo pOshakati.
Omusamane gwe nale, Tim Parkhouse okwa ti omukadhi kwali okwa mana oondjenda dhe etitatu lyaziko konima sho a taambelwa moshipangelo.Okwa li a longele oshigwana momimvo dhomilongo 1960 okwa longo ongo omuniilonga guundjolowele mehangano lyedhina Health 4 You pomatungo ga Gutenberg Platz mboka a tameke mo 2005.Pahapu dha Tim Parkhouse ooyakwawo oya uvaneke kutya otaya katsikila niilonga mbika yokapangelo pehala mpoka.Parkhouse ngoka alandula oshilonga ithano sha yina okwa tameke iilonga yuupangi mo 1960 mo Cape Town moka a manitha eilongo lye lyuupangi momumvo 1963.Konima yaashika okweya a longe moNamibia moka a tameke iilonga moshipangelo shepangelo shaOshakati.Ota dhimbulukiwa sho a kala ha hingi oye awike miihwa okufala ekwatho lyuunamiti pomahala gokokule muumbangalantu woshilongo.Omanga oshilongo inaashi manguluka nakusa Parkhouse okwa longo muupangelo poKatutura no Khomasdal, moka a li a pumbwa okupewa opermita a longe pomahulilo goshiwike nokonima yootundi dhiilonga.Momumvo 1989 Parkhouse okwa yi mopolitika mongundu yo DTA. Sho a li a kundathanwa naye koshifo shimwe moma 2007 okwa tile etokolo ndyoka olya li limwe inaa li kotoka, olya li ewanawa ndele ita li ka endululwa wee.Eitaalo lye lya kola muundjolowele wopetameko olye mu fala mokudhika po ehangano lyo ku hupitha lyedhina MedRescue noshowo metungo lyoshipangelo sha RhinoPark.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
