Oyendji oye hole oohi dho moNamibia

AANAMIBIA oyendji mboka ya pulwa ngele oha ya li oohi mekonakono lya nigilwe omathimbo ga piti oya ti oye hole oohi mundhoka mwa kwatelwa maasbankers, noohi dhohake ongo ndhoka yehole unene.

Konyala ooperesenda 97 dhaamboka ya pulwa mekonakono ndyoka oya ti ohaya landa oohi. Ooperesenda 47 odha ti oha dhi landa oohi dholudhi lwo maasbanekrs nooperesenda 14 ohadhi landa oohi dhohake. Oohi oonkwawo ndhoka dhi holike ongaashi osnoeka, noangel nooperesenda [11] ohi ya Zambezi bream[ 7] otuna noohi dhomomeya omatoye. Ndele oshiyukithilo shomapekapeko sha Labour Resource and Research Institute[LaRRi] shoka osho sha ningi omakonakono ngoka osha ti kapena uuyelele naanaa wa gwana oku tseya kutya oohi dha longwa odhi thike peni na ishewe omwaalu guthikepeni gwa tumwa ondje noshowo omwaalu gu thikepeni gweetwamo okuza pondje. Shika osha ningi oshidhigu kaakonakoni opo ya mone kutya mboka haya li oohi oyethike naanaa peni oshilongo ashihe pomuthika gwopokati nenge pondjele yopokati. Omiyalu dhomumvo 2009 odha ulike kutya oohi dholudhi lwohorse mackerel ohadhi liwa mosndjundo yookilogarama 59,2 momuntu kehe komumvo omanga ohake oha yi liwa ookilograma 48, 5 momuntu kehe. Oohi dholudhi lwo maasbankers nenge horsemackerel olwo olundji momeya gefuta lya Namibia, yo ndjika oyina omagadhi ogendji na oy atalika oyo iikulya yuundjolowele na ota yi palutha nawa. Epulo lyoohi dholudhi lwo hake miilongo yuukumwe wa Europa olya ya pombanda na otali tsikile. Iikulya yilwe yomefuta mbyoka hayi liwa moNamibia nenge hayi tuminwa pondje, ongaashi rock lobster, sole, kingklip, kabeljou, monk, tuna, pilchard, seaweed, anchovy, redeye, panga, John Dory, shark, swordfish,barbel, squid na cardinal fish. Aantu 500 mboka ya pulwa miitopolwa 10 yoshilongo ooperesenda 55 odha ti ohadhi landa oohi okuza koongeshefa dhokulanditha oohi dhepangelo dhedhina Namibia Fish Promotion Trust.[NFCPT], omanga omilongo 31 oha dhi landa oohi dhadho moosupermaraka, omulongo 14 ohadhi landa oohi dhadho komatala nopomahala galwe.Oopersenda 80 odha ti ohadhi landa oohi dhondjundoi yookilogalama 10 komwedhi kehe. Ooperesenda 40 ohadhi landa ookilograma pokati komu11 sigo 12 komwedhi omanga oonkwawo 40 ohadhi landa oohi dhuudhigu wookilograma 21 sigo 40 komwedhi. Oondando dhoohi poositola ngaashi Shoprite, Pick and Pay, WoermannBrock na Tre Supermarket oangel otayi gu oodola 19, 90 mokilo yimwe, Jacobiva ota gu oodola 12,90 mokilo yimwe na horse mackerel oodola 26,95. Oohi dhohorse mackerel ohadhi landithwa oodola 7, 80 mokilograma yimwe poositola dho NFCPT oshilongo ashihe.