Oveta yOmahogolo inayi ya natango kOparlaimende

ONTOTWALUNDULULWAVETA yi na sha nomahogololo ndjoka ya kalwa ya tegelelwa ethimbo ele, inayi thika natango kOmutumbwa gwOpashigwana – yi ka kundathanwe, Ominista yi na sha niinima ya guma Omupresidende, Albert Kawana, osho a popi ngaaka.

Kawana okwa lombwele Omutumba gwOpashigwana mEtiyali lyoshiwike shika kutya oshinima shika otashi ulike nee kutya Okomisi yOmagololo/Electoral Commission of Namibia (ECN), oyi li mevundanko enene.
‘Aaniilonga ya ECN oye li ku India, ihe ethimbo olya pwa po,’ Kawana ta popi ngaaka. Omunashipundi gwa ECN, Omundohotola Victor Tonchi mu Febuluali nuumvo okwa li a lombwele oshigongi shimwe kutya ontotwalundululwaveta ndjika oya li ya tumwa kUuministeli wOmagumbo nOmapangelo gOpaitopolwa, pehulilo lyomumvo gwa zi ko.
‘Minister Kawana oku li oshilyo shOkabinete na oku na okupula Ominista yOmagumbo nOmpangelo gOpaitopolwa, Jerry Ekandjo, kutya omolwashike ontotwalundululwaveta yi li natango hoka,’ onzo yimwe yomauyelele yi li popepi na ECN, osho ya lombwele The Namibian ngaaka.