Banner Left

Oveta oyo i li ominge neehombo dovanhu voukakwashikekookanhuumwe otai dulu okukondjifwa momhangu – Nakuta

OVETA YA YA MOILONGA … Pelesidente Nangolo Mbumba okwa shaina oveta oyo i li ominge neehombo domashenge moNamibia. Ashike ovanandjungu woufemba wovanhu vamwe otava ti natango oveta ei otai dulu okukondjifwa momhangu. Efano: La yandjwa

Omunandjungu woufemba womunhu John Nakuta okwa ti oveta oyo i li ominge neehombo domashenge oyo ya shainwa kupelesidente Nangolo Mbumba otai dulu okukondjifwa momhangu, shaashi oya nyika okatongotongo notai teya efikopamwe olo li li mekotamhango.

Okwa ti etulomoilonga lokatendo kohombo otali kongo eembululu metokolo lomhangu ya shiya ko lomudo 2023 kutya eehombo domashenge odo da ningilwa kondje yaNamibia nadi tambulwe ko kepangelo laNamibia.

“Ndee kwaame, osho oshinima tashi kumwifa unene, novatoti veeveta, oilyo yopaliamente otava monika va fa ve udite kutya otava dulu okushaina keshe oveta inava tala kwaasho ekotamhango tali ti,” Osho a ti ngaho.

Nakuta okwa ti opu na oshibofa shakula sha keshe umwe oo ta ka hala okukondjifa oshinima eshi, shaashi opaliamente novakufimbinga vakwao ove na okuudifa ko omhangu kutya opu na omatomeno awa nokwa kola okwaanya eehombo dovanhu voukakwashikekookanhu umwe moNamibia.

Kutya nee ova shaina okatendo kohombo komudo 2024 va longifa ekotamhango nashi ka talike komhangu, hahende Carli Schickerling osho a ti ngaho.

Schickerling okwa kalele po nale ovalihomboli voukakwashikekookanhu umwe kwa li tava kondjifa opo ohombo yavo i tambulwe ko meemhangu daNamibia.

Omnadaxa okwa ti okatendo kohombo komudo 2024 kake li pakotamhango.
“Osha yela okena owii uhapu komashenge noitatu ka tambula ko.

“Mupya munene, oshi na okuningwa okupitila momhangu natango – osho tashi pula ova yakulwa shihapu.

Ashike itatu kala shike twa mwena ndee hatu tale opaliamente yetu tai kendabal okutula po oinima i li ngaho yokatongotongo,” Schickerling osho a ti ngaho.

Okwa ti kutya ovakalelipo vopaveta ova ka shakena opo ve ke likunde kutya oshike shi na okuningwa po pexulilo loshivike eshi.

Namibia okwa tota po okatendo kohombo komudo 2024 oko taka kelele eehombo domashenge, mwa kwatelwa ovo va hombola paveta kondje yoshilongo.

Pelesidente Nangolo Mbumba okwa shina oveta ei momafiku avali Oktoba odula ya dja ko, ta shuna monima etokolo lomhangu ya shiya ko lomudo 2023 olo la tambula ko eehombo doludi eli.

Oveta ipe otai ti “ohombo” oi na ashike okukala pokati komulumenhu nomukainhu, inamu kwatelwa ovanhu voukakwashikekookanhu ovo va tambulwa ko paveta koshi yepangelo noveta yopamufyuululwakalo.

‘OTASHI NYEMATEKE’
Omunandjungu woufemba u fike pamwe Friedel Dauseba okwa ti oveta ei eponokelo la yukilila kefimano noufemba womashenge nOvanamibia.
Okwa ti oveta ei otai lombwele omashenge kutya inaa tambulwa ko moNamibia.

“Ohole yoye kei na shilonga. Ino pumbwa oufemba wa faafana nowavakweni. Komashenge nokOvanamibia eshi otashi nyemateke.
“Otshi tu udifa tu kale tu udite tuhe na eameno moshilongo shetu vene.

Otashi tu lombwele kutya nande otu longe noudiinini shi fike peni, kutya otu kufe ombinga shi fike peni, ile ile kutya otu na ohole i fike peni, katu na fiku tu ke limbatelwe shi fike pamwe,” Dausab osho a ti ngaho.

Okwa ti oveta otai xwaxwameke okatongotongo oko oshiwana sha taalela nale.

Dausab okwa ti eshi Namibia taanye okutambula ko eehombo domashenge odo da ningilwa kondje yoshilongo otashi eta omalipulo ahapu, oumbada nemanguluko lovalihomboli ovo va hala okukala pamwe nombili.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News