Ovanamibia otava dimbulukwa Geingob

… oshiwana osha yandja omaliudo asho kombinga yaGeingob

Minista wouyuki Yvonne Dausab oye umwe womOvanamibia vahapu ovo va dimbulukwa okuyola kwanakufya pelesidente Hage Geingob – unene ngaa onghela.

“Okwa li ha yolo noupu ngee oshinima shi yolifa sha ningwa. Ohandi mu dimbulukwa nawa koGaob Festival, ina dimbulukwa nge nda djala omundjalo wange woshiDamara, nokwa li ta yolo nge lela,” Okwa lombwela oThe Namibian Omaandaxa ngaho.

Geingob oo kwa li eshiivike nawa nedina ‘Omes’ kovanhu vamwe na ‘Hage-Loulo’ kuvamwe, okwa xulifa momafiku04 Febuluali odula ya dja ko konima yokafimbo kaxupi ta lwifa oudu wokaangela.

Ngaashi vahapu ovo kwa li ve mu shi, Daudab okwa ti okwa djuulukwa ondaka yaGeingob.
Okwa ti okwa li hava ndaanisha pamwe.

“Okwa li e hole okundaanisha nokwa li a kumwa unene eshi a mona kutya ohandi dulu okulinyengifa noupu olutu lange neemhadi dange,” Osho a ti ngaho.

Pelesidente Nangolo Mbumba Omaandaxapopya kombinga yaNamibia konima nghee efyo laGeingob le tunyekele omuleli oo a li keshe pamwe moNamibia.

“Pelesidente Geingob okwa li ta tale etanga lokeemhadi keshe efimbo, poitufi yeengalo ta tya pula ounghulungu, pomafiyafano okakadonadingi nosho yo moinima ya pamba onghalonawa noukumwe wOvanamibia,” Osho a ti ngaho.

Pelesidente okwa li e na elineekelo nomukumo kutya etumwalaka laGeingobo loukumwe, elongelokumwe nekwatelemo laaveshe otali ya mbulwa po kOvanamibia.

“Onde lineekela nondi na yoo omukumo kutya oshivilo eshi shokudmbulukwa otashi kala odopi yotete yokukwashilipaleka kutya oshiwana shopaife nasho shomonakwiiwa otashi twikile nokutyapula nokufimaneka odnjokonona yomutungi woshiwana,” Osho a ti ngaho.

Natango, opolohalama yoshimoko shokuyandj eenghono oya ti ondjokonona yaGeingob olim o natango ya yela meendjodi daavo va hala okutwala Namibia komesho.

‘PELESIDENTE WOVANHU’
Ovambididi vongeshefa yedina Bix car Wash moKatutula mOvenduka moKatutura ova dimbulukwa Geingob kutya okuhole ovanhu nova ti Namibia ota kala e na edjadja ngee k emo.

Mokavidio koomafiku 16 Oktomba 2023, Geingob ota monika ta pupula nokulifaneka novayambididi, omanga ovaameni vaye ve mu teelela kokule kwii.

Mwene wongehsefa, Bix Kambala, okwa dimbulukwa Geingob kutya omunhu wovanhu oo a tula ongeshefa pamufika uwa.
“Efimano lakula okukala ndi na ondingosho hapa kala pelesidente, opo ovatalelipo hava di okudja koilonga ve uye ashike va tale ondingosho oyo pelesidente kwa li a talela po,” Osho a ti ngaho.

Kambaka okwa ti oBix car Wash oya luka onhele opo Geingob kwa li a kala omutumba kutya ‘Presidente’s Corner’ noku na ondunge yokuweda po omafano oo a fanekwa novayambididi vongeshefa opo e mu fimaneke.

Hope Hosea okwa ti oukwatya wanakufya pelesidente wokulinyanyuda nokukala e hole ovanhu owa eta ovanhu va kale ve mu hole neenghono.
Okwa ti okwa djuulukwa ematalelepo aGeingob ‘koSunday Session’ yavo.

“Ngee e ya koBix, fyee ovakalimo vomoKatutura okwa li hatu lihakana tu ka shakeneke Hage-Loulou, nokwa li ha pe keshe umwe omafele avail,” Osho a ti ngaho.

BoyBoy Nashitope okwa dimbulukwa pefimbo letalelepo laGeingob eshi kwa li ta kendabala okweenghena pupelesidente, ndee ta kelelwa komwaameni waye.

“Okwa li nda hala okumupopifa, ashike omwaameni waye okwa ti nandi fikame kokule, ashike okwa ti omunhu ashike, itashi ti shaashi ashike opelesidente ngeno yee omufimanekwa, ndee ta popifa nge,” Osho a ti ngaho.

Tuhafeni Nuilepo okwa dimbulukwa omikalo diwa daGeingob mopaliamente. “Oshilongo oshi na edjadja, okwa omunh e hole omashendjo, kutya omopaliamente okwa li omunhu e hole enyaku.” Okwa ti Geingob okwa li omunandjungu oo kwa li e hole etanga lokeemhadi neengalo – pelesidente wovanhu.

Cecily Munvangua okwa ohele yomaudano yaGeingob oya fiya omwaka wakula momitima dOvanamibia.
“Okwa li omutima waNamibia. Okwa li tu hole nghee ha ndaanisha nashi ha yolo. Omwaka ou a fiya po ohatu u fitike ngahelipi?” Osho a pula ngaho.

OUKALIPO WAXE
Omonakadona wanakufya pelesidente, Nangula Geingos, okwa ti oukalipo waxe natango nondjokonona opo li li natango.
“Odula imwe oya pita po, ashike natango omitima detu otadi luluma sha fa ashike sha ningwa onghela. Ofamili yaGeingob otwa hala okupandula keshe umwe oo kwa li e tu vatela pefimbo loudjuu ou,” Osho a ti ngaho.

Geingos okwa ti ofamili yaGeingob oya pandula omatumwalaka etwomukumo oo a dja kOvanamibia.
Minista weliko Iipumbu Shiimi Omaandaxa okwa ti nakufya pelesidente omunhu woshiwana akula, oo kwa li a itavela moukumwe woshiwana.

“Okwa li yoo e shi okumona nokuyambula po ounongo wovanhu,” Osho a ti ngaho. Minista wetanga leameno noipambele yoonakulwa vakulu Frans Kapofi Omaandaxa odula oyo puhe na Geingob oya kala idjuu.

“Osha kala shidjuu oku mu kanifa . . . Okusheendifa. Ou na, okuya komesho, shaashi osho ashike onghalamwenyo i li ngaho, oto kanifa ove to findana,” Osho a ti ngaho.

OSHITUFI SHOKUDIMBULUKWA
Ombelewa yomupelesidente oya niga oshitufi onghela koHeroes’ Acre, oko Ovanamibia tava ka dimbulukwa Geingob. Omupopiliko wombelewa yapelesidente Alfredo Hengari okwa ti oitufi otai ka ningilwa koHeroes’ Acre nokeumbo lepangelo.