Ovanafaalama voimuna vOkoshikoto ova pula elelo lopamufyuululwakalo laNdonga nosho yo oCommunal Land Bpard opo li yandje omadina ovanahu aveshe ovo va pewa omadu kOkashana kuukongo waNehale moshitopolwahoololo shaShikoto.
Ovanafaalama voimuna odula yadja ko okwa li va lundila elelo lopamufyuululwakalo landonga kutya ola yandja edu opo pa kala oulifilo woimuna yavo okudja pemanguluko, kovanangeshefa, ohaehende novanapolitika ovo ve na ekwatafano nelelo lopamufyuululwakalo shihe li pauyuki nopaveta.
Momukanda waye wa nyolelwa elelo lopamufyuululwakalo laNdonga nokoCommunal Land Board momafiku 11 Desemba 2024, hahende wovanafaalama, Florian Beukes, okwa pula elelo lopamufyuululwakalo opo li nyamukule moule woivike itatau.
Efimbo lokunyamukula olo kwa li va pewa ola pia Omaandaxa.
Beukes Etitatu okwa ti ina mona nande enyamuko lomukanda waye.
“Otwa hala okunghonopeka oufemba wovayakulwa vetu ndee hatu va twala pamwe naavo va mona edu nove litula eedalate shihe li paveta komhangu ngee twa mono ouyelele,” Osho a weda po ngaho.
“Tu vateleni nomauyelele ovanhu ovo va pewa oufembaou, pamwe neekopi domaindilo nomadiminino taa tukumwe.
“Otwa lombwelwa kutya edu loulifilo ola tulwa eedalate, molwoshinima eshi ohatu pula ngee oshinima eshi shokutula edu odalate okwa li sha pitikwa momukanda ngaashi okatukulwa 18(b) kokatendo taka ti.
Ngee osho, eteta omukanda diminino oo,” Beukes osho a nyola ngaho.
Okwa ti okupula ouyelele okwa li taku ningilwa elongo lopauyelele nekalelpo loinima momaufemba okuyandja edu lokomikunda, osho tashi vatele ovayakulwa vaye mokupotokonona eenamana edi dedu eli loulifilo.
Beukes okwa ti, edu eli loulifilo ola fimana kovayakulwa vaye opo va dule okumona omaxupilo.
“Edu eli okwa li la pewa ovayakulwa vetu koovene vomikunda shaashi ohaba di pomikunda di li popei nOkashana kuukongo waNehale,” Osho a ti ngah.
Okwa ti vali okutula odalate kedu oku kuhe li paveta okwa nyeka oimuna oulifilo.
“Payukililo, eedalate edi dihe li paveta oda pata eendjila dokuya keenhele oko ku na omeva, eendjila doulifilo nodeehambo. Eedalate edi tadi popiwa natango otadi fininikile oimuna monghalo ya nyika oshiponga, mwa kwatelwa eendjila dakula omo oiponga ya kala nokuningilwa, osho tashi monifa ovayakulwa vetu oixuna,” Osho a ti ngaho Omukulunhu woinima ya pamba elelo lopamufyuululwakalo laNdonga Nicky Uugwanga Etitatu okwa ti okwa mona omukanda waBeukes nokwe u tumina kuhamushan welelo lopamufyuululwakalo, Frans Enkali.
Ashike nee, Enkali Etitatu okwa ti ina mona nande omukanda shaashi paife ohadi koTsuemeb, oko ha longo ongomukulunhu wodoolopa ta vatele.
MuOktoba odula ya dja ko, omunashipundi welelo loapmufyuululakalo landonga John Walenga, pefimbo loshoongalele shoikundaneki kOndangwa, okwa ti ovanhu ovo va tula eedalate kedu kOkashana kuukongo waNehale popei nEtosha National Park okwa li va pewa onhele oyo komukwaniilwa waNdonga Fillemon Nangolo va dule okukuna po oyiimati.
Walenga okwa ti onhle aishe, i shiivike nawa Okashana kuukongo waNehale, oya kala alushe i li koshi yelelo louhamba waNdonga ndee kashi shi nande koshi yomikunda, ngaashi eenhele dikwao mOndonga.
Okwa ti eshi osho oshikando shotete ohamba yaNdonga taiyandje oufemba wedu.
Walenga, nande ongaho, okwa ti kutya ohamba yaNdonga oi na oufemba okutula ovalelwa vaye keshe pedu olo li li po naavo va tulwa kOkashana ova tulwa ko va longe oikulya.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
