Otatu shunitha oondola dha Avid-SSC: Kameeta

Ongeleki Onkwaevangeli mu Namibia nenge tuye Evangelical Lutheran Church in Namibia oya popi kutya otayi ka shunitha oshimaliwa shOondola/N$42 620 sha Social Security Commission (SSC) shoka sha li sha pewa omagano ongeleka yawo pOtjiwarongo ku nakusa Lazarua Kandara.

Omusitagongalo pOtjiwarongo, Paul /Goagoseb, okwa li a popi pefumviko lya nakusa Kandara kutya ngoka a li nale omukuluntuwiliki gwa Avid Investments Corporation, Lazarus Kandara, okwa landela ongeleka yawo oongendjo mbali. Omusita /Goagoseb okwa hokolola Kandara ong’omuntu ngoka a li ha kutha kaayamba nokugandja koohepele.Ta ti egongalo lyawo olya mona omauwanawa okuza ku Kandara pamukalo nguka.”Iinima yi iwetikile oyo mbyoka kutya okwa landela Ongeleka oongendjo mbali, ndhoka a li nokuli a tumbula pethimbo lyegandjo lye lyuumbangi mOmpangu yOpombanda.Kutya nee owe shi hala nenge ino shi hala oongendjo ndhika otadhi kala mOngeleka muka, notamu dhi uvu tadhi dhenga esiku kehe,” ta popi ngaaka omanga ta hambelewa nenyanyu kaakwanegongalo lyawo pefimviko lya Kandara.Nando ongaaka, mEtitano lya zi ko, Omumbiisofi Zephania Kameeta okwa popi kutya oshimaliwa shoka osha gandjwa paulingilingi nopakorapto.Okwa popi kutya oshimaliwa shoka oshi li oshipambu shoomiliyuna omilongo ndatu (N$30 million) dha Avid-SSC.Ta ti ishewe ngeyi kutya /Goagoseb nenge aawiliki yalwe oye na andola okukonakona omagano gontumba taye ga pewa omanga inaye ga taamba.”Otatu tsu omuthindo kombinga yaampoka twa thikama kombinga yekorapto notandi indile omagongalo naawiliki yetu opo ya kambadhale okukonakona omagano ngoka tashi vulika ya pewe.”Ndhika odha li dha popiwa kOmumbiisofi Kameeta ngoka a kala olwindji e li ompinge nuulingilingi nekorapto.Okwa popi kutya ethimbo lyokukondjitha uulingilingi nekorapto ongashiingeyi molwashoka ngula otatu ka tokolwa.Kameeta okwa popi kutya Ongeleka yawo Onkwalutheli oyi na ontseyo kutya pethimbo lyomapulapulo mOmpangu yOpombanda omwa tumbulwa omagano goondola/N$60 000, ihe Ongeleka yawo oya pewa owala omagano goongendjo mbali dhongushu yoondola/N$42 620.Omumbiisofi ta popi ngeyi kutya okampani ya SSC oya totwa nelalakano okukwathela mboka ye li mompumbwe notashi ehameke unene komutima oku uva kutya aayamba naamboka ya hala okwiiyambapaleka otaya longitha nayi oshimaliwa shoka.Aawiliki yOngeleki Onkwalutheli oya ningi etokolo okushunitha oshimaliwa shoka pamatompelo omawanawa.”Pamulandu gweitaalo lyetu moohapu dha Kalunga nosho wo oku ….tseyika kwetu kombinga yekalompinge nuulingilingi, otwa ningi etokolo okushunitha oshimaliwa shoka sha SSC,” Omumbiisofi Kameeta ta popi ngaaka.Ongeleka yilwe ndjoka ya li ya mono omauwanawa moshimaliwa shika sha SSC-Avid Investments oyo ndjoka ya Voice of God Fellowship yi li mu Khomasdal mOvenduka.Ongeleka ndjika nosho wo aakwanegongalo lyalwe oya pewa omagano goshimaliwa okuza komukuluntuwiliki gwa Namangol Investments, Nico Josea.Omusita /Goagoseb okwa hokolola Kandara ong’omuntu ngoka a li ha kutha kaayamba nokugandja koohepele.Ta ti egongalo lyawo olya mona omauwanawa okuza ku Kandara pamukalo nguka.”Iinima yi iwetikile oyo mbyoka kutya okwa landela Ongeleka oongendjo mbali, ndhoka a li nokuli a tumbula pethimbo lyegandjo lye lyuumbangi mOmpangu yOpombanda.Kutya nee owe shi hala nenge ino shi hala oongendjo ndhika otadhi kala mOngeleka muka, notamu dhi uvu tadhi dhenga esiku kehe,” ta popi ngaaka omanga ta hambelewa nenyanyu kaakwanegongalo lyawo pefimviko lya Kandara.Nando ongaaka, mEtitano lya zi ko, Omumbiisofi Zephania Kameeta okwa popi kutya oshimaliwa shoka osha gandjwa paulingilingi nopakorapto.Okwa popi kutya oshimaliwa shoka oshi li oshipambu shoomiliyuna omilongo ndatu (N$30 million) dha Avid-SSC.Ta ti ishewe ngeyi kutya /Goagoseb nenge aawiliki yalwe oye na andola okukonakona omagano gontumba taye ga pewa omanga inaye ga taamba.”Otatu tsu omuthindo kombinga yaampoka twa thikama kombinga yekorapto notandi indile omagongalo naawiliki yetu opo ya kambadhale okukonakona omagano ngoka tashi vulika ya pewe.”Ndhika odha li dha popiwa kOmumbiisofi Kameeta ngoka a kala olwindji e li ompinge nuulingilingi nekorapto.Okwa popi kutya ethimbo lyokukondjitha uulingilingi nekorapto ongashiingeyi molwashoka ngula otatu ka tokolwa.Kameeta okwa popi kutya Ongeleka yawo Onkwalutheli oyi na ontseyo kutya pethimbo lyomapulapulo mOmpangu yOpombanda omwa tumbulwa omagano goondola/N$60 000, ihe Ongeleka yawo oya pewa owala omagano goongendjo mbali dhongushu yoondola/N$42 620.Omumbiisofi ta popi ngeyi kutya okampani ya SSC oya totwa nelalakano okukwathela mboka ye li mompumbwe notashi ehameke unene komutima oku uva kutya aayamba naamboka ya hala okwiiyambapaleka otaya longitha nayi oshimaliwa shoka.Aawiliki yOngeleki Onkwalutheli oya ningi etokolo okushunitha oshimaliwa shoka pamatompelo omawanawa.”Pamulandu gweitaalo lyetu moohapu dha Kalunga nosho wo oku ….tseyika kwetu kombinga yekalompinge nuulingilingi, otwa ningi etokolo okushunitha oshimaliwa shoka sha SSC,” Omumbiisofi Kameeta ta popi ngaaka.Ongeleka yilwe ndjoka ya li ya mono omauwanawa moshimaliwa shika sha SSC-Avid Investments oyo ndjoka ya Voice of God Fellowship yi li mu Khomasdal mOvenduka.Ongeleka ndjika nosho wo aakwanegongalo lyalwe oya pewa omagano goshimaliwa okuza komukuluntuwiliki gwa Namangol Investments, Nico Josea.