Ota ti ke na ondjo mwaashika

OMUMATI omugundjuka ngoka ta tamanekelwa edhipago lyamwene gworestaurant noshowo amushanga gwoshifonkundana, Awie Brand mu Juni 2008, okwa ti eso lya Brand olya zi meipopilo lye.

Sho a popi mompangu yopombanda moVenduka,omutamanekwa okwa ti ‘onda dhenge nakusa lwaali nenge lutatu noshiti komutse nonde mu undula a kale kokule nangame, pompito yimwe nokwa gwile pevih osho nakufekelelwa edhipago, Ephraim Kariko[23] a ti mehokololo ndyoka lya gandjwa komupanguli, Alfred Siboleka, sho Kariko a ti ke na ondjo momatamaneko ngoka gatatu.Okwa tindi kutya oku na ondjo medhipago,meyugo noshowo monkambadhala yokuya ompango moshipala, ndele Kariko okwa zimine kutya okwa li pehala mpoka sho Brand[58] a ehamekwa nokusa uusiku wesiku 20 Juni 2008. Okwa zimine woo kutya Brand okwa sile pehala lyorestaurant yedhina ,Die Restaurant ndjoka, Brand oye a li mwenne gwayo, poWalvisbay. Kariko okwa zimine woo kutya okwa kutha omudhimba gwa Brand nokugutula mehala lyokupungulila porestaurant mpoka.Kariko okwa tindi kutya okwa li ena elalakano lyowina lyokudhipaga Brand nenge a li ena elalakano lyokudhipaga, Brand. Okwa ti ye okwa li ashike’ ‘tandi ipopile keponokelo lyaa li pampango nda li tandi ningilwa,’ oku za ku Brand.Okwa tindi woo kutya okwa yugu, Brand eta tindi kutya okwa homona Brand nelalakano lyokumuyaka.Okwa zimine kutya okwa yaka osheenditho sho Hyundai, oshipatululo shasho, o cell phone noodola 800-00 koomuma edhi kutha, Brand uusiku mboka nguka a si.Okwa ti onda li monkalo yengwangwano pethimbo ndyoka, na okwa tokola a yake osheenditho, iipatululo, noshowo ocellphona niimaliwa konima sho, Brand a ehamekwa , na okwa tokola a fadhukilepo koVenduka opo a konge ekwatho nomayele kezimo lye kombinga yoshiningwanima shika, osho Kariko a ti.’Onda tula omudhimba gwa nakusa mompungulilo ndele kandi shi kutya onde shi ningile shike osho a fatulula.Onda li nda piyagana, nonda li nda tila. Kariko okwa tsikile ta ti sho a fadhukilepo koVenduka nosheenditho sha Brand okwa indile omuntu gwontumba opo a holeke iikutu ye mbyoka ya li ya tiligana ombinzi noshowo a yoge oongaku dhe ndhoka dha li dhina ombinzi.Omupolis gwomoWalvisbay, Shisande, Marinda Bekker ngoka oye gwotango okuya porestaurant ya Brand okwa ti opwa li pena omusinda gwombinzi okuza morestaurant okuya kompungulilo pondje. Omweelo gwompungulilo ogwa li gwa patwa nekumba naasho ndika lya tewa po, omudhimba gwa Brand gwa zalekwa iikutu etata ogwa li gwa lala meni.Morestaurant omwaadhika oongaku dha tulwa koshipundi. Omwaadhika woo ondhimbo ofupi, mpoka pwa li pena ombinzi oyindji popepi noshipundi.Omwanakadhona gwa Brand okwa lombwele ompangu kutya okwa kala a limbililwa kutya omolwashike he inaa zako natango kiilonga konyala sho otundi ya li oyimwe yomokati kuusiku.Okwa kambadhala okudhenga ongodhi korestaurant nokongodhi ye yopeke ndele oongodhi inadhi yamukulwa. Ye pamwe nayina, Myrna Brand oya hingi eta ya yi korestaurant ndele oolamba odha li dha dhima, nosheenditho sha Brand kasha li po pondje yorestaurant, na kehe shimwe osha fa sha li nawa, osho Jeanine Brand a hokolola.Okwa ti okwa tameke okutuma omatumwalaka kongodhi yahe okuuva kutya oku li peni na oshike shi li po. Omayamukulo ngoka a mono oge mu limbilike. Meyamukulo lyotango, omuntu okwa tumu etumwalaka ta ti okuli moSwakopmund, alongitha efupipiko lya swk, oshinima shoka he kaa li ena okushilongitha.Metumwalaka ekwawo konima sho a tumu ndyoka lya yamukula kongodhi yahe okupula kutya oshike sha puka, omuntu okwa yamukula ta ti ote ke mulombwela nale.Epuko lyopakushanga ndyoka lya li metumwalaka olye mu etele elimbililo.Brand okwa li omutoolinkundana nokonima okwa ka ninga amushanga gwoshifonkundana shokomunkulofuta shedhina, Namib Times, uule woomvula 30 omanga inaa patulula orestaurant.Suwala ya Brand, Herman Sanderson okwa lombwele ompangu ta ti konima yoshiningwanima shika okwa adha ombapila ya shangwa kuna ku tamanekwa mu Kotoba 2006, moka Kariko a gandja ombili sho a yaka iimaliwa kokambo kaBrand na okwa ti kutya, Brand aniwa oye omuhona omwanawa ngoka ye a longela sigo oompoka.Iihokolola mbika otayi tsikile.Omupopiliko gwa Kariko oye omutseyimpango, Jan Wessels,Kariko okuli pondje yondholongo sho iifutile mo oodola omayuvi 10 000.Epangelo olya kalelwapo moshipotha shika ku, Ethel Ndlovu.