OSWALD SHIVUTE

OPOLISI mOshakati otayi konaakona oshipotha shonkembadhala yedhipago sho omukalimo gumwe aniwa a umbu nokuyaha omukalimo omukwawo metako nondjembo yombistoli yoMakarof okupendulila ongula yOlyomakaya ga zi ko.

Chief Inspekta Moses Kashala ta lombwele The Namibian kutya nakukwatwa po okupendukila Olyomakaya tuu ngoka ga zi ko, konima ashike sho a monitha aniwa mukwawo ngoka oshiponga nokuya , okwe kiitsuwa a kandomena pontopa ya Kandjengedi nohauto ye oya galangata sigo omomeya lela gomoshana sha Kandjengedi moka.
Ehokololo lya pewa The Namibian ku Chief Inspekta Kashala oli li ngeyi kutya omulumentu gwontumba, taku fekelwa ngoka ta fekelwa moshipotha shika, ongulohi yEtitano lyetib 29 Mei 2009, okwa yi pekende lyondunda ya Abrahama Amunyela gwoomvula 22 mOlukanda Evululuko nokwa yaha Abraham lwometako nOmbistoli yo Makarofa nokufadhuka po ando nohauto ye.
Abraham aniwa qokwa piti mo ta ende ta hiha ombinzi a thinda pondunda Oshamale
lwaampoka nashi a thiki po okwa pundukile pevi. yomOshamale sho ye mu mono ta zi ombinzi, oya dhengele Opolisi ndjoka ye ya meendelelo noye mu fala kOshipangelo shEpangelo sha Shakati.
Moakonaakono gayo, Opolisi oya uvu nawa kutya olye naanaa ta fekelwa meyaho lya Abraham noya kala tayi mu kongo.Manga tayi mu kongo ngawo oya lopotelwa ohauto ya kandomena pontopa yaKandjengedi ongula onene yOlyomakaya ngoka ga landula oshiningwanima sheyaho lya Abraham.
Opolisi sho ya yi po oya adha oonakugwa nohauto ndjoka ya falwa nale kOshipangelo, Oya yi ko nashi ya konaakona, oye shi mono mo kutya nakuhinga ohauto ndjoka ya gwa oye nakufekelwa meyaho lya Abraham.
Nakukandoma nguka pamwe namboka a li nayo mohauto ye moka, oya monene ashike uukulumuna uushona noya lalekwa mo moshipangelo konima yepango lyawo. Ashike nee nakuhinga, molwashoka pmufekelwa meyaho ya Abraham, okwa kwatwa po nokunatululilwa nee oshipotha shonkembadhala yedhipago.
Okwa tegelewa nee a holoke mOmpangu ya Mangestrata ongula yonena mOshakati noshipotha shoka.Inspekta Kashala, ota ti kutya osha fa shi li ngeyi kutya nakufekelwa nguka sho a zi pondunda ya Abraham mpoka, okwa fa a thindi ya Ngwediva nopokati kuusiku nenge koongulasha lela okwa fa nee a zi ko lwokoOngwediva lwaahoka yi ilamba nayakwawo niihauto, nashi ya thiki lwopontopa ya Kandjengedi, okwa kanitha okondolola yohauto ye, tayi gu ko kopate, tayi galangata sigo omomeya gomoshana sha Kandjengedi moka ya kala ya lala ongali.
Oya zi mo ya ehama kashona nokufalwa aniwa koshipangelo kwaamboka ya li yi ilamba nayo. Taya pangwa nokulalekwa mo mOshipangelo, na opo nee nakufekelwa nguka a zi a ka kwatwe po kOpolisi moshinima sheyaho lya Abraham Amunyela nondjembo. Nakukwatwa po nguka, otaku tiwa kutya oha longele Ofeema yomahini mOshakati. Inspekta Kashala ota ti kutya oshiningwanima shika kashi li nawa nokwa indile koshigwana shi ikaleke kokule niinima ngashi mbika.
Kutya nee ondjembo ndjoka oyi na tuu oombapila nenge kayi na, Inspeta Kashala okwa ti kutya opo taye yi shi konaakona mo nawa. Kepulo kutya nakufekelwa okwa yahela shike mukwawo, naashoka Inspecta Kashala okwa ti opo taye shi konaakona nawanawa. edhina lya nakufekelwa oye li shi, ashike itali shangwa manga molwashoka kali a holoka natango kwali mOmpangu ya Mangestrata molyomakaya ngoka ga zi ko sho ehokololo ndika lya pewa The Namibian ku Inspekta Kashala ngeyi.