Oshiwike shoradiography sha dhimbulukiwa

AANIILONGA nomashina goonte ya X oya gongala lwotango oshiwike shika opo ya dhimbulukwe nokudhana noku tu la miilonga oshiwike shopashigwana shooradiography.

Oshiwike shoka sha tameke omaandaha, osheeta pamwe aaniilonga yiilonga mbika yomiipangelo yopaumwene naambyoka yepangelo.Elalakano lyawo okulonga oshigwana kombinga yomashina gokuminikila, ngaashi lyonte ya X, ndyoka hali ithanwa nuclear medicine, sonography, radiotherapy,CT scans, mammography nomakwawo galwe.Oshiwike osha tulwa miilonga kohi yoshipalanyolo’basic radiation fact’ Uuministeli Wuukalinawa owa ti elongitho lyiikwamashina mbika ewanawa kuundjolowele wetu ndele olili woo oshiponga ngele omashina ngaka ina ga kwatwa nawa.Pethimbo oshiwike ta shi tulwa miilonga omupevi minista me, Petrina Haingura okwa gandja omapapa kaaniilonga moshikondo shokuminikila miipangelo yepangelo.Haingura sho a popi okwa ulike esimano lyoshikondo shokuminikila nokwa kumike aagundjuka ye kiilonge oshilongwa shika.Okwa indile woo aaniilonga moshikondo shika ya kale uupathi moku kalekapo omashina ngaka monkalo ombwanawa noshowo ya gandje omayakulo omawanawa kaayakulwa ayehe mboka ye ga pumbwa.Pethimbo ndyoka aaniilonga nomupevi minista oya gandja esimaneko komuthaneki eli moshipundi shevululuko Lynn van Dyk ngoka a longele oNamibia Radiographic services uule konyala woomvula 30 pokati ko 1971 sigo 2000, oshiwike shika oshe mu nuninwa.Van Dyk okwa dhana onkandangala mehumokomeho lyiilonga yomathano moshilongo, na okwa longa konyala aaniilonga yokuthaneka ye li 30 aaNamibia pokati komimvo 1992 sigo 2000.Uule woshiwike shika tashi kala ha shi dhimbulukiwa aluhe komumvo aaniilonga mbaka ota ya kala nokupopya motivii nooradio kombinga yomayakulo ngoka haya gandja.Miipangelo yepangelo konyala aantu oma 200 000 oya li ya tumwa ya konakonwe nomathano pethimbo lyomumvo gwoshimaliwa 2008/2009 aguke, moka iiningwanima 40 000 ya li ya thanekwa moshipangelo sha Katutura.Omumvo ta gu ya okudhimbulukwa esiku ota ku ningwa mu 8 ga Novomba esiku lyopaigwana lyoo Radiography, moka Willhelm Conrad Roentgen a mona onte ya X oomvula 114 dha yi.