Oshitopolwa sha Caprivi otashi ilongekidhile efundja

N GOLONEYA gwoshitopolwa sha Caprivi Bernard Sibalatani okwa ti oshitopolwa she oshi ilongekidhila efundja, ngele olya holoka pethimbo lyomvula yonuumvo.

Sibalatani okwa ti Okomitiye yowina ndjoka ya li ya totwa po pethimbo lyomafundja gaali ngoka ga li ga holoka moshitopolwa shika, oka gongala nale nokutala kutya oshike shi na okuningwa po. Omeya momulonga gwa Zambezi oga kala taga londo muule womasiku ga zi ko, okuza poometa 1,17 momasiku 8 ga Januali okuya poometa 1,46 mEtitatu lya zi ko.Muule ashike wesiku limwe, omeya oga londa noosendimeta ne okuza mOmaandaha okuya mEtitatu.”Otwa tala onkalo na ota tu mono uuyelele kutya omeya oge li peni esiku kehe,” Sibalatani ta lombwele The Namibian ngaaka oshiwike sha zi ko.Okwa ti natango inashi pumbiwa aakwashigwana ya ye komahala ngoka ga londa molwashoka, omeya otaga londo kashona nakashona.Oshikondo shOmakwathelo gOpaulumompumwe shomoshitopolwa nasho oshi li wo uupathi shi ilongekidha.Sibalatani okwa ti nonande oonzo odha pumba, otaya ka ninga po shoka taya vulu okukwathela aantu ngele efundja lye ya.Omulonga gwa Cuando ohagu eta efundja miishana yomeya gomulonga gwa Linyanti moshitopolwa sha Sangwali na omulonga gwa Linyanti ohagu udha etagu kungile ishewe momulonga gwa Chobe, shoka hashi vulu nee okweeta efundja.Omeya momulonga gwa Zambezi oga kala taga londo muule womasiku ga zi ko, okuza poometa 1,17 momasiku 8 ga Januali okuya poometa 1,46 mEtitatu lya zi ko.Muule ashike wesiku limwe, omeya oga londa noosendimeta ne okuza mOmaandaha okuya mEtitatu.”Otwa tala onkalo na ota tu mono uuyelele kutya omeya oge li peni esiku kehe,” Sibalatani ta lombwele The Namibian ngaaka oshiwike sha zi ko.Okwa ti natango inashi pumbiwa aakwashigwana ya ye komahala ngoka ga londa molwashoka, omeya otaga londo kashona nakashona.Oshikondo shOmakwathelo gOpaulumompumwe shomoshitopolwa nasho oshi li wo uupathi shi ilongekidha.Sibalatani okwa ti nonande oonzo odha pumba, otaya ka ninga po shoka taya vulu okukwathela aantu ngele efundja lye ya.Omulonga gwa Cuando ohagu eta efundja miishana yomeya gomulonga gwa Linyanti moshitopolwa sha Sangwali na omulonga gwa Linyanti ohagu udha etagu kungile ishewe momulonga gwa Chobe, shoka hashi vulu nee okweeta efundja.