Oshitine shaanona moKaras osha sondjala

OSHITOPOLWA shuundjolowele moKaiti, moshitopolwa sha Karas oshina aanona taya ehamekwa kondjala.

Otaku tengenekwa kutya konyala ooperesenda 25 dhaanona ye li kohi yomimvo ntano otadhi ehamekwa kondjala ita yi hulu, naashika osha fala sigo omeso lyaanona yatatu omumvo gwayi.Uuyelele mbuka owa gandjwa komukwatelikomeho moshitopolwa shuukolele wopetameko, Rauna Namukwambi moonkundathana no The Namibian. Okwa ti ondjala mokati kuunona oya fala sigo oompoka kutya aanona yamwe oya taambelwa moshipangelo opo ya pangwe ondjala, ndele nee uuna ya shuna ishewe komagumbo konima yoku tyapo hwepo kondjala , hoka ka kuna iikulya yi na iitungi yagwana , osho Namukwambi a ulike.Okwa ti oshikondo shuukolele moshitopolwa oshina oprograma yokulandula ekoko lyaanona, unene lyoodhekamo aanona mboka yena ondjundo yi li pevi, elalakano okushuna pevi onkalo yondjala mokati kaanona li kale kohi yooperesenda ntano. Namukwambi okwa indile ooyina yaanona opo ya kale haya fala oyana koshipangelo nenge kokapangelo okashona lumwe momwedhi opo ya ka talike ondjundo yawo. Okwa ti aakuluntu yaanona yeniwe kondjala ohaya tumwa kelelo lyoshitopolwa sha Karas opo ya ka mone ekwatho mooprograma ngaashi sha nakulya osha na kulonga nenge ndjoka yanakulonga niimaliwa. Namukwambi okwa ti shika otashi ningwa opo mbaka ya vule oku mona oondya. Okwa popi woo omaipulo ge kaavu yoteebee mboka ha ya faula oku nwa omiti dhawo naamboka woo haya nu omiti dho ARV. Okwe ya londodha kutya uuna omuntu inaa nwa omuti gwe nena ota nayipike onkalo ye. Okwe ya kumike ya kale ta ya nu omiti dhawo sigo aapangi ota ye ya lombwele kutya na ya ethe oku dhinwa.