OSHIPOTHA shefekelo lyuulingilingi sha ningilwa Gavena gwaHardap, me Katrina Hanse Himarwa osha tameke mompangu ya Mengestarata gwaMalinda momaandaha.
Oshipotha osha tameke nokuuva oombangi dhepangelo. Mokati koombangi ndhoka epangelo lya li lya ithana omaandaha omuna omukuluntu wiliki gwelelo lyoshitopolwa sha Hardap kwali,omusamane Sankwasa James Sankwasa noshowo omukuluntu gwoshikondo shomathaneko me, Theresia Basson.Sankwasa nelelo lya Hardap oya li meipumomumwe kutya, ye okwa li a kuthwa poshipundi she shaa li pampango nomanga ethimbo lye lyiilonga ndyoka lyu uvathanwa inaali pwako. Okwa li ena euvathano lyiilonga ha li vulu oku lelepekwa lyoomvula ntano.MuJuni Ompangu yOpombanda oya li ya tokola ya gama kelelo lya Hardap oku indika omunambelewa omukuluntu nguka kwa li a galukile kiilonga ye.Oshifo sho The Namibian oshuuvite aniwa kutya epangelo ota li ka ithana oombangi dhi li omulongo na hetatu(18) oku gandja uumbangi moshipotha shika, sha thanekwa shi pulakenwe uule womasiku gatatu.Oshipotha shuulingilingi osha ningilwa Hanse Himarwa sho ta ku tiwa okwa longitha po oodola 2 000 mbyoka ya zi moshiketha shomainyanyudho shelelo lya Hardap, ndele aniwa okwe yi longitha haa ngaashi a ti ote ke yi longitha. Iimaliwa mbika okwa li ta ti ote ke yi longitha oku ningila aakokele yoko Aranos oparty mu Desemba 2005.Ota ku tiwa ishewe kutya Hanse Himarwa okwa longitha omukalo gwaa li pampango sho a gandja iilonga yokuhondja omalapi gopomakende gegumbo lye lyopambelewa komukwanezimo lye, Lydia Goeieman. Ota ku tiwa kutya omwaalu gwiimaliwa mbika nago ogwa li gwa tulwa pombanda inaa shi pumbiwa.Omutseyimpango Sisa Namandje oye ta kalelepo Hanse Himarwa omanga omutamaneki moshipotha shika oye Veiko Alexander.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
