Oshipotha sha Hamukoto sha falwa kOmpangu yopombanda

O SHIPOTHA shomulumentu a li omupangi mOshipangelo sha Katutura, ngoka a lopotelwa edhipago lyaantu yatatu pObaa yimwe pOsiingela ya Katutura mu Febuluali gwomumvo gwa zi ko, osha tumwa kOmpangu yopombanda.

Omufekelwa nguka Jekonia Dimbulukweni Hamukoto, ota ka pangulilwe iipotha itatu yedhipago, itatu yonkambadhala yedhipago na shimwe shokukwata nuuhasha ombisitoli. Hamukoto ota ka pangulilwa wo oshipotha shokukutha mo ondjembo nokuyi ulike aantu mehala nenge pondjila yaantu ayehe.Shika okwa li nee e shi lombwelwa sho a holoka mOmpangu ya Mengestrata mu Katutura mEtitano lya zi ko komeho ga Mengestrata Tuyenikelao Haikango.Epangulo lye lyotango mOmpangu yopombanda olya tulwa momasiku 24 ga Juli.Hamukoto okwa kala e li konima yekumba okuza momasiku 21 ga Febuluali gwomumvo gwa zi ko.Okwa li a kwatelwa pObaa yedhina Kondjeni Bottle Store, mpoka Jonas Erastus (22), Festus Aaron (25) na Boni Shuudeni (25), ya li ya yahelwa okusa esiku ndyoka.Aantu ye li yatatu oya li wo ya ehamekwa.Otaku popiwa kutya Hamukoto, ngoka a dheulilwa uupangi ko Cuba okwa li pObaa ndjika sho aniwa ongodhi ye yoselula ya kana.Okwa li nee aniwa e wete kutya aantu mboka ya li mObaa ndjika oyo ye yi yaka po.Okwa li nee aniwa kutha mo ombisitoli yoometa 9 nokutameka okuumba u ukitha ku kehe.Omulumentu nguka okwe shi zimina kutya oye a yaha aantu mbaka,ihe okwa ti kutya ka li e na edhiladhilo lyokudhipaga omuntu.Sho a li a holoka mOmpangu momasiku 27 ga April 2007, Hamukoto okwa ti ke na ondjo miipotha itatu yedhipago naambyoka itatu yonkambadhala yedhipago.Hamukoto ota ka pangulilwa wo oshipotha shokukutha mo ondjembo nokuyi ulike aantu mehala nenge pondjila yaantu ayehe.Shika okwa li nee e shi lombwelwa sho a holoka mOmpangu ya Mengestrata mu Katutura mEtitano lya zi ko komeho ga Mengestrata Tuyenikelao Haikango.Epangulo lye lyotango mOmpangu yopombanda olya tulwa momasiku 24 ga Juli.Hamukoto okwa kala e li konima yekumba okuza momasiku 21 ga Febuluali gwomumvo gwa zi ko.Okwa li a kwatelwa pObaa yedhina Kondjeni Bottle Store, mpoka Jonas Erastus (22), Festus Aaron (25) na Boni Shuudeni (25), ya li ya yahelwa okusa esiku ndyoka.Aantu ye li yatatu oya li wo ya ehamekwa.Otaku popiwa kutya Hamukoto, ngoka a dheulilwa uupangi ko Cuba okwa li pObaa ndjika sho aniwa ongodhi ye yoselula ya kana.Okwa li nee aniwa e wete kutya aantu mboka ya li mObaa ndjika oyo ye yi yaka po.Okwa li nee aniwa kutha mo ombisitoli yoometa 9 nokutameka okuumba u ukitha ku kehe.Omulumentu nguka okwe shi zimina kutya oye a yaha aantu mbaka,ihe okwa ti kutya ka li e na edhiladhilo lyokudhipaga omuntu.Sho a li a holoka mOmpangu momasiku 27 ga April 2007, Hamukoto okwa ti ke na ondjo miipotha itatu yedhipago naambyoka itatu yonkambadhala yedhipago.