Oshipotha sha/Goagoes shuundulilwa komwedhi tagu ya

OOSHIPOTHA moka omukiintu gumwe po Gobabis ta kondjitha elandithopo lyegumbo lye kOondola/N$15 000, opo aniwa a fute oondjo dhOmbaanga ndhoka a li e nea – otashi ka pulakenwa momasiku 17 gomwedhi tagu ya.

Omukuluntuwuliki gwehangano egameno lyuuthemba womuntu paveta, Norman Tjombe, okwa ti oya li ya tegelela Aanaveta yOmutumwa gwOmpangu (a tulwa pevi, Gideon Retief Bosman nosho wo kOmbaanga ya Standard. Bosman okwa li aniwa a landitha po egumbo komonamati gwe ngoka e li wo aniwa Omupevi ge, naye edhina lye oye wo Gideon Retief Bosman.Egumbo ndika, li na ongushu yoshimaliwa shOondola/N$280 000 olya li lya Aletta /Goagoses, a li nale Omupolisi, ngoka a li a tokola okupewa openzela kuyele molwashoka ka li na uukolele.Olya li nee aniwa lya landithwa po opo aniwa li futile po oondjo dhOmbaanga ya Standard Bank dhOondola/N$1000,00 dhoka a li e na. Ihe ngashiingeyi okwa hala Ompangu yi gandje elombwelo kUuministeli wUuyuuki nOkomisi yi na sha nekondjitho lyiilonga yokoraputo, kutya Bosman nomonamati gwe kutya oshe ende ngiini ya longele kumwe moshinima shika.