Oshipangelo sha Mona wa Tjihozu sha pewa Oambulansa ompe

OSHIPANGELO sha Mona gwa Tjihozu mondoolopa ya Shigo shoka sha kala kashi na Oambulana, otashi ka pewa Oambulansa muule womasiku ngaka.

Ndhika odha popiwa kOminista yUuhaku nUundjolowele, Richard Kamwi, pethimbo a li ta popitha oshigwana mEsiku lyokudhimbulukwa Omalaria mUuyuni pOmana sha ningilwa pOshipangelo shika mondoolopa ya Shifo moshitopolwa sha Musati mEtitano lya zi ko.
Minista Kamwi ta ti kutya Oambulansa ndjoka oya landwa nale, yi li kOvenduka, nOshikondo shUuhaku mOshitopolwa sha Musati pa longelokumwe nOmbelewa ya Kaansela gwOshikandjohogololo sha Ruacana, taya longekidhe ashike Omuhingi noku mu tuma kOvenduka a ka tale ko Oambulansa yawo ndjoka meendelelo ngashi tashi vulika.
Minista Kamwi ta ti, elando lyOambulansa ndjoka, okwe li ningi sho a ende omwenyo kOshipangelo shoka shaa na Oambulansa, nAanuuhaku mpoka, ohaya nana nondatu okufala aanuumvo kIipangelo iinene ngashi kOutapi, kOshakati nosho tuu.
‘Sho nde yile mpaka mu kuyele omasiku ga zi ko, onda li nda ende omwenyo sho nda uvu kutya Kaansela gweni tate Lazarus Kornelius, omathimbo ogendji oye ha fala aanuuvu kOshipangelo shAutapi nohauto ye mwene nonda tokola ndi mu landele Oambulansa yeni mu kale hamu fala aanuuvu yeni kIipangelo iinene nayo ne wo mu kale hamu katala omiti dheni nayo komangandjina yomiti mOshitopolwa nosho tuu. Eeno nondo shi shi kutya Kaansela Omukalelipo gwOshigwana nokwa li e na okuyakula ngawo, ashike haye nee Oambulansa nonde shi mono oshiwanawa noshuuka, ndi mu landele Oambulansa yanei ndjoka. Tu meni ashike omuhingi o,mwiinekelwa lela e yi ile ko kOvenduka, oya longekidhwa nale,’Minista Kamwi ta ti ngawo .
Okwa pandula Kaansela Kornelius sho ta kwathele oshigwana she ngawo nokwe mu pe omukumo a tsikile ngawo. Oshigwana shaampoka osha kala tashi ligola nokupandula muule sho Minista Kamwi te shi lombwele kutya okwe shi pa Oambulansa.
Kaansela Kornelius okwa pandula, pehala lyoshigwana ashihe nUuhaku mOshikandjohogololo she, Oministeli yUuhaku Omundohotola Kamwi kumwe nEpangelo sho ye ya kwathela Oambulansa ndjoka ya kala ya pumbwa noonkondo.