Oshinima shaaitendiko yAacaprivi ‘oshi li natango kokule lela nokupwa’

Oshinima shaaitendiko yAacaprivi ‘oshi li natango kokule lela nokupwa’

O ONKUNDATHANA dhopapolitika dhi li nawa otadhi pumbiwa opo ku talike ngele oshitopolwa sha Caprivi oshi li oshitopolwa sha Namibia nenge aawe, Vincent Siliye ngoka a li omutamanekwa moshipotha oshinene shokutendako oshitopolwa sha Caprivi ku Namibia ta popi ngaaka mEtitatu.

Konima yiiwike ine sho a mangululwa palombwelo lyOmupanguli John Manyarara mOmpangu yOpombanda, Vincent Sinasi, okwa popitha iikundaneki poombelewa oonene dhehangano lyuuthemba womuntu nenge tutye National Sociaty for Human Rights mOvenduka. Siliye gwomimvo 38 na Sinasi gwoomvula 47 oya li ya mangululwa konima sho Omutamaneki-Ndjayi gwOpevi Daniel Small a popi pehulilo lyoompata kutya ina pu monika naanaa uumbangi wa gwana tau tamanekitha aalumentu mboka yaali.Aalumentu yalwe omulongo mboka ya li taya tamanekwa pamwe na Siliye na Sanasi mboka ayehe ya li taya tamanekelwa iipotha yi li ihamano yokulongela kumwe naaitendiko yoshitopolwa sha Caprivi pokati ka Septemba 1998 na Desemba 12, 2003, otaya ka pulakena kutya Omupanguli Manyarara ota ti ngiini moshipotha shawo shika momasiku 30 Juli.Oonakutamanekwa pamwe naye oya li ye na okumangululwa pamwe naye, Siliye ta popi ngaaka mEtitatu.Ta ti shoka shi li mondjila osho shoka kutya mokati kawo kamu na nando ogumwe a li e na okuholoka mOmpangu molwashoka oya kuthwa ku Botswana shaa li paveta opo yee ya mangwe nokutamanekelwa oshipotha oshinene shekengelelo neumboko lyepangelo shokushipundi mu Namibia.Olwindji pethimbo lyeholoko mOmpangu lyaalumentu mboka 12, Siliye oye ha kala omugandjimulombo gwawo mokaketha.Poompito dha yooloka, omulumentu nguka okwa kala olwindji ha popi pehala lya yakwawo kutya Ompangu ya Namibia kayi na uuthemba okuya pangula molwashoka yo AaCaprivi na kaye shi Aanamibia notaya pangulwa moshilongo oshikwiilongo.Ta ti ompangu yatya ngaaka kayi na uuthemba noonkondo okuya pangula.Pethimbo ndyoka lyokupopitha iikundaneki mEtitatu, Siliye okwa li a pulwa kutya oku uvite nee ngiini sho a manguluwa kOmpangu ndjoka ta popi kutya kayi na uuthemba okumupangula, e ta taamba ko emangululo kuyo.”Shoka shi na okutseyika mpaka osho shoka kutya kandali ndi na okuholola mOmpangu ndjoka,” Siliye ta yamukula ngaaka.”Kutya nee oweshi hala nenge aawe: omatamaneko ngoka oga ningwa papolitika.Edhitiko nokutulwa konima yekumba, oya ningwa papolitika.”Okwa popi ishewe ta ti: “Ngashiingeyi, ngame onkwatwa yopapolitika kwali mepangelo lyoSwapo.Ngashi naanaa nda popya, okumangwa kwandje nokutulwa mondholongo okwa ningwa pamatompelo gopapolitika.”Kepulo ngele natango okwi itala ko mwene kutya ye Omucaprivi, ihe keshi Omunamibia sigo okonena ndjika, Siliye okwa yamukula ta ti: “Ngame onda valelwa mu Caprivi okuza moshivalelo sha meme (…) kutya nee opaveta nenge aawe, Caprivi keshi oshitopolwa sha Namibia.Pandjokonona nosho wo pakaalita, Caprivi keshi oshitopolwa sha Namiba.Ta ti ye okwiitaala kutya ye Omucaprivi.”Opo sha hulila mpoka.”Ina tumbula nando osha shoka tashi ulike kutya ye Omunamibia.Kepulo lilwe ngele okuwete kutya ye oku na oshitopolwa mu Namibia, Siliye okwa yamukula ta ti: “Eyamukulo ndika kashi eeno nenge aawe.(…) Tala kondjokonona, tala kokaalita.(…) Mekondjelomanguluko, nando oMr Muyongo sho a yi muupongekwa, tala Nujoma sho a yi pondje muupongekwa, nayo oyali ye na uumutse wa South Afrika.Oshinima shoka itashi ku ningi Omusouth Afrika.”Siliye ta ti aanapolitika oye na okutalela oshinima sha Caprivi momumbwalangandjo.Opo nee oshinima shika shi ningwe, Omupresidende Hifikepunye Pohamba oku na okuninga oonkundathana na Mishake Muyongo – ngoka a li omupresidende gwopevi moSwapo, ngoka wo a li omupresidende gwoDTA nokuli ngashiingeyi omuwiliki gwongundu yaaitendiko – opo ya kundathane kombinga onkalo yoshitopolwa sha Caprivi, Siliye ta zi mokalungu.Uupyakadhi mboka ewete okwe u pe aakolonyeki pethimbo ya li taya tende oongamba dhiilongo mu Afrika pethimbo lyethelemumvo eti 19.Mpoka aantu ye na uupyakadhi wu na sha noongamba ndhoka dha li dha tendwa komukolonyeki, uupyakadhi mboka ou na oku kandulwa po, ta indule ngaaka: “Tseni aantu otwa gwanenwa, inatu kambadhaleni okweeta uupyakadhi.Ashike mpoka tapu monika uupyakadhi, tu kambadhaleni okuwu kandula po.”Siliye okwa popi kutya pethimbo lyongashiingeyi, aantu moshitopolwa sha Caprivi oye li muumbanda okuholola omadhiladhilo gawo kombinga yuukwatya mpoka pwa thikama oshitopolwa sha Caprivi.”Oshinima shoka tashi ningwa kEpangelo lya Namibia osho okulyatela pevi omugandja omayele kwamanguluka, okudhiladhila memanguluko, nosho wo okutula muumbanda aantu yomoCaprivi.”Siliye gwomimvo 38 na Sinasi gwoomvula 47 oya li ya mangululwa konima sho Omutamaneki-Ndjayi gwOpevi Daniel Small a popi pehulilo lyoompata kutya ina pu monika naanaa uumbangi wa gwana tau tamanekitha aalumentu mboka yaali.Aalumentu yalwe omulongo mboka ya li taya tamanekwa pamwe na Siliye na Sanasi mboka ayehe ya li taya tamanekelwa iipotha yi li ihamano yokulongela kumwe naaitendiko yoshitopolwa sha Caprivi pokati ka Septemba 1998 na Desemba 12, 2003, otaya ka pulakena kutya Omupanguli Manyarara ota ti ngiini moshipotha shawo shika momasiku 30 Juli.Oonakutamanekwa pamwe naye oya li ye na okumangululwa pamwe naye, Siliye ta popi ngaaka mEtitatu.Ta ti shoka shi li mondjila osho shoka kutya mokati kawo kamu na nando ogumwe a li e na okuholoka mOmpangu molwashoka oya kuthwa ku Botswana shaa li paveta opo yee ya mangwe nokutamanekelwa oshipotha oshinene shekengelelo neumboko lyepangelo shokushipundi mu Namibia.Olwindji pethimbo lyeholoko mOmpangu lyaalumentu mboka 12, Siliye oye ha kala omugandjimulombo gwawo mokaketha.Poompito dha yooloka, omulumentu nguka okwa kala olwindji ha popi pehala lya yakwawo kutya Ompangu ya Namibia kayi na uuthemba okuya pangula molwashoka yo AaCaprivi na kaye shi Aanamibia notaya pangulwa moshilongo oshikwiilongo.Ta ti ompangu yatya ngaaka kayi na uuthemba noonkondo okuya pangula.Pethimbo ndyoka lyokupopitha iikundaneki mEtitatu, Siliye okwa li a pulwa kutya oku uvite nee ngiini sho a manguluwa kOmpangu ndjoka ta popi kutya kayi na uuthemba okumupangula, e ta taamba ko emangululo kuyo.”Shoka shi na okutseyika mpaka osho shoka kutya kandali ndi na okuholola mOmpangu ndjoka,” Siliye ta yamukula ngaaka.”Kutya nee oweshi hala nenge aawe: omatamaneko ngoka oga ningwa papolitika.Edhitiko nokutulwa konima yekumba, oya ningwa papolitika.”Okwa popi ishewe ta ti: “Ngashiingeyi, ngame onkwatwa yopapolitika kwali mepangelo lyoSwapo.Ngashi naanaa nda popya, okumangwa kwandje nokutulwa mondholongo okwa ningwa pamatompelo gopapolitika.”Kepulo ngele natango okwi itala ko mwene kutya ye Omucaprivi, ihe keshi Omunamibia sigo okonena ndjika, Siliye okwa yamukula ta ti: “Ngame onda valelwa mu Caprivi okuza moshivalelo sha meme (…) kutya nee opaveta nenge aawe, Caprivi keshi oshitopolwa sha Namibia.Pandjokonona nosho wo pakaalita, Caprivi keshi oshitopolwa sha Namiba.Ta ti ye okwiitaala kutya ye Omucaprivi.”Opo sha hulila mpoka.”Ina tumbula nando osha shoka tashi ulike kutya ye Omunamibia.Kepulo lilwe ngele okuwete kutya ye oku na oshitopolwa mu Namibia, Siliye okwa yamukula ta ti: “Eyamukulo ndika kashi eeno nenge aawe.(…) Tala kondjokonona, tala kokaalita.(…) Mekondjelomanguluko, nando oMr Muyongo sho a yi muupongekwa, tala Nujoma sho a yi pondje muupongekwa, nayo oyali ye na uumutse wa South Afrika.Oshinima shoka itashi ku ningi Omusouth Afrika.”Siliye ta ti aanapolitika oye na okutalela oshinima sha Caprivi momumbwalangandjo.Opo nee oshinima shika shi ningwe, Omupresidende Hifikepunye Pohamba oku na okuninga oonkundathana na Mishake Muyongo – ngoka a li omupresidende gwopevi moSwapo, ngoka wo a li omupresidende gwoDTA nokuli ngashiingeyi omuwiliki gwongundu yaaitendiko – opo ya kundathane kombinga onkalo yoshitopolwa sha Caprivi, Siliye ta zi mokalungu.Uupyakadhi mboka ewete okwe u pe aakolonyeki pethimbo ya li taya tende oongamba dhiilongo mu Afrika pethimbo lyethelemumvo eti 19.Mpoka aantu ye na uupyakadhi wu na sha noongamba ndhoka dha li dha tendwa komukolonyeki, uupyakadhi mboka ou na oku kandulwa po, ta indule ngaaka: “Tseni aantu otwa gwanenwa, inatu kambadhaleni okweeta uupyakadhi.Ashike mpoka tapu monika uupyakadhi, tu kambadhaleni okuwu kandula po.”Siliye okwa popi kutya pethimbo lyongashiingeyi, aantu moshitopolwa sha Caprivi oye li muumbanda okuholola omadhiladhilo gawo kombinga yuukwatya mpoka pwa thikama oshitopolwa sha Caprivi.”Oshinima shoka tashi ningwa kEpangelo lya Namibia osho okulyatela pevi omugandja omayele kwamanguluka, okudhiladhila memanguluko, nosho wo okutula muumbanda aantu yomoCaprivi.”

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News