Oshilongo ota shi ka ninga omakonakono gasho kekunku lyoH1N1O

NGUNDU yoshigwana yi na sha nuunamiti womeendelelo NHEMC oya tseyitha kutya oshilongo oshi na edhiladhilo oku tameka nomakonakono kombinga yekunku lyoH1N1.Ngashingeyi moshilongo omwa monika aantu ye li 51 ya alukwa omukithi nguka.

Ongundu yeilongekidho oya ti opo yi vule okuninga omakonakono kombinga yekunku, oya uvathana nUuministeli wUunamapya opo wu thithe omashina gokukonakona koolabora dhopashigwana (Namibia Institute of Pathology).Esiku kutya uunake ta ku tamekwa nomakonakono ngaka ina li tseyithwa natango. Omundohotola Jack Vries okwa ti omadheulo oga tameka nale okulonga aaniilonga yoNIP nkene omakonakon ngaka ha ga ningwa, nu una ndoka omakonakono ga ningwa, Ehangano lyUukalinawa mUuyuni ota li koleke omayamukulo ngoka, omundohotola Vries ta ti.NHEMC oya pandula onkundana ndjika, molwaashoka Namibia okwa li ikwatelela kuSouth Africa moku ninga omakonakono gena sha nekunku lyo H1N1.Omaandaha ehangano lya NIP olya li muudhigu oshoka ina li vula oku tuma oosampula ne ko South Africa opo dhi konakonwe molwaashoka aaniilonga yopoongamba oya li mekanka.Omundohotola Vries okwa ti iilonga mbika ngele ota yi longwa ko NIP ota shi shonopeke eikwatelelo koSouth Africa, nosho wo ota yi shonopeke ethimbo lyo ku tegelela omayamukulo gomakonakono.Ngashingeyi oha shi kwata konyala sigo opo masiku omulongo opo omayamukulo gomakonakono ga galuke, omanga ngele omakonakono ota ga ningwa muka, iizemo ota yi monika meni lyesiku limwe.Iiningwanima yuuvu mbuka iheyali oya tseyithwa oku za pehulilo shiwike lya yi.Itatu yomiiningwanima oya ndhindhilikwa mOmbaye, moka aanuuvu yaali aalumentu yoomvula 28 no 52. MoVenduka omulumentu gwoomvula omi 60 nomulumentu omukwawo gwoomvula omi 33 a za ko Rundu. Muumbangalantu omukiintu gumwe gwoomvula omi 22 na ye okwa monika e na uuvu wekunku lyoH1N1.Omundohotola Vries okwa ti omunona gumwe gwomvula yimwe okwa monikwa uuvu mbuka poRehoboth nokwa pangwa nongashingeyi oku li nawa.Oku za nkene ekunku lyo H1N1 lya monikwa moshilongo mu Juli omakonakono oga ningwa maantu 284. Omakonakono 184 ina ga ulika omukithi nguka omanga oosampula 43 omayamukulo gadho oga tegelelwa natango..Oosampula mbali odha kana, ne odha ekelwahi, omundohotola Vries ta ti. Pethimbo ndino oNIP ota yi konakona aantu 79 molwa okakwenye. Aantu omilongo 38 mboka ya konakonwa oya monika ye na okakwenyene, yaali yomuyo oya za moVenduka omulumentu gwomimvo 24 nomunona gwoomvula ndatu, omanga mboka ya hupa ko oya za mEngela.