Oshiligalala sha dhipaga gumwe

O NKUNDANA ye tu zilila momukunda Ohashipepe mOnamishu muuzilombangalantu wOndonga mOshitopolwa sha Shikoto otayi ti kutya natango momukunda moka mwa sa okanona kokanasikola, koomvula omulongo lwaampoka, taku tiwa kutya oka hakukilwa komukithi gwoshiligalala.

mOmukunda moka omo mwa lopotelwe mwa sila okamatyona ka dhipagwa komukithi ngoka kedhina Kansela gwOshikandjohogololo sha Eengodi moka mu na Onamishu, tate Walde Sheyavali ta lombwele Oshifo shika ongula yohela kutya okanona haka kedhina Ndiipanda Titus, oka sile pegumbo lyaakuluntu yako manga ya li ye li poku ka fala kOklinika yopomukunda gwawo mpoka. Tate Sheyavali ta ti kutya okanona kamwe, komomukunda ngoka, hoka wo ka dhidhilikwa ka kwatwa komukithi nguka gwoshiligalala, oka falwa nziya koshipangelo sha Nandjokwe ongula yohela.Uuministeli wElongo mOshitopolwa sha Shikoto owa li wu na okudhana Oshituthi oshinene shOliteracy, shoka sha li shi na okudhanenwa pOnamishu mOshikandjohogololo sha Eengodi nena, ashike omolu onkalo yoshiponga shomukithi gwoshiligalala momukunda nomOshikandjohogololo shoka, Oshituthi shika osha kalekwa ombaadhilila ohela kOmbelewa yElongo mOshitopolwa sha Shikoto.Kansela Sheyavali ota ti kutya otashi vulika moshitopolwa shoka mu kale natango yalwe ye na ombuto yomukithi nguka.Ta ti kutya Uuhaku, okuzilila kOnandjokwe owa uvaneka tau ka tuma oshikonga shokutuntila aakwashigwana moshitopolwa shoka okuza ongula yonena.Metitatu lya zi ko, Oministeli yUuhaku, Omundohotola Richard Kamwi, okwe yile kOnandjokwe ya ningulule omauvathano pokati kOngeleki ya Elcin nEpangelo shi na sha nomakwathelo kOshipangelo sha Nandjokwe.Pethimbo tuu ndyoka, Amushanga ta kalelele gwOpevi mUuministeli mbuka Omundohotlla Norbert Forster, okwa lombwele oshigongi shiikundaneki kutya moNooli omwa lopotwa iiponga 13 yomukithi gwoshiligalala.Ashike okwa indile koshigwana kashi ngwangwane nande, ihe shi kale sha ngungumana, manga Uuministeli tau ungaunga nuupyakadhi mbuka.Oondohotola otaya hokolola kutya omadhidhiliko gomukithim mbuka ogo; Othingo tayi kukuta, okweehama omutse, to kungu, wu ufite olwiidhi/oshidu, edhungwe, ho kala kuuvite nawa uuna to tala muuyelele, wa fa wa ngwangwana, ku na nande oomposi ndhasha nowa kanitha ehalo lyokulya.Omukithi nguka otaku tiwa kutya otagu endelele oku ku kwata notagu vulu oku ku faalela nziya nenge gu ku lemaneke.Onkee oshigwana otashi indilwa shi kale sha kotokela omadhidhiliko ngoka nokufala oonakweehama kiipangelo nziya ngashi tashi vulika.Tate Sheyavali ta ti kutya okanona kamwe, komomukunda ngoka, hoka wo ka dhidhilikwa ka kwatwa komukithi nguka gwoshiligalala, oka falwa nziya koshipangelo sha Nandjokwe ongula yohela.Uuministeli wElongo mOshitopolwa sha Shikoto owa li wu na okudhana Oshituthi oshinene shOliteracy, shoka sha li shi na okudhanenwa pOnamishu mOshikandjohogololo sha Eengodi nena, ashike omolu onkalo yoshiponga shomukithi gwoshiligalala momukunda nomOshikandjohogololo shoka, Oshituthi shika osha kalekwa ombaadhilila ohela kOmbelewa yElongo mOshitopolwa sha Shikoto.Kansela Sheyavali ota ti kutya otashi vulika moshitopolwa shoka mu kale natango yalwe ye na ombuto yomukithi nguka.Ta ti kutya Uuhaku, okuzilila kOnandjokwe owa uvaneka tau ka tuma oshikonga shokutuntila aakwashigwana moshitopolwa shoka okuza ongula yonena.Metitatu lya zi ko, Oministeli yUuhaku, Omundohotola Richard Kamwi, okwe yile kOnandjokwe ya ningulule omauvathano pokati kOngeleki ya Elcin nEpangelo shi na sha nomakwathelo kOshipangelo sha Nandjokwe.Pethimbo tuu ndyoka, Amushanga ta kalelele gwOpevi mUuministeli mbuka Omundohotlla Norbert Forster, okwa lombwele oshigongi shiikundaneki kutya moNooli omwa lopotwa iiponga 13 yomukithi gwoshiligalala.Ashike okwa indile koshigwana kashi ngwangwane nande, ihe shi kale sha ngungumana, manga Uuministeli tau ungaunga nuupyakadhi mbuka.Oondohotola otaya hokolola kutya omadhidhiliko gomukithim mbuka ogo; Othingo tayi kukuta, okweehama omutse, to kungu, wu ufite olwiidhi/oshidu, edhungwe, ho kala kuuvite nawa uuna to tala muuyelele, wa fa wa ngwangwana, ku na nande oomposi ndhasha nowa kanitha ehalo lyokulya.Omukithi nguka otaku tiwa kutya otagu endelele oku ku kwata notagu vulu oku ku faalela nziya nenge gu ku lemaneke.Onkee oshigwana otashi indilwa shi kale sha kotokela omadhidhiliko ngoka nokufala oonakweehama kiipangelo nziya ngashi tashi vulika.