Oshilahite shimwe sha yiwa oonyala

OSHILAHITE sha Windhoek Schlachterei mOvenduka osha osha teywa uusiku wEtiyali, ihe Opolisi ya Muni gwa Venduka oye shi pondola okukwata po aafekelwa ayehe ye li yahamano.

Gumwe gwomaafekelwa mbaka okwa li nale Sekuriti mOkampani ya G4 Security Services, Opolisi osho ya popi. Aafekelwa mbaka oya li aniwa ya teya oshilahite shika lwopotundi onti: 20h10 e taya yaka mo iipaketa iheyali iinene niishona yi li ihamano yonyama yoshingulu.
Aapolisi ya Muni oya li aniwa yu umbu aafekelwa mbaka e tayi ehameke yane yomuyo na aalumentu mbaka oya ningila Opolisi mbaka oshipotha shonkambadhala yedhipago. Onyama ayihe ndjoka ya yakwa moshilahite shika oya monika.
*Komanda gwOshikondo shOpolisi shi na sha nOkukonakona Iimbuluma moshitopolwa sha Hangwena, okwa ikutha omwenyo pegumbo lye mEtiyali. Warrant Officer Samuel Nangombe (48) okwi itsuwa a endjelela mongodhi lwopotundu onti: 16h00.
*Omayako gOokompiuta oga tsikile moshilongo ashike oshiwike sha zi ko. Omukalimo gumwe gwomOvenduka okwa thikamwa nombistoli moshipala e ta yugwa olaptopa ye ongula yEtiyali.
Collin Kaurianga okwa li a adhika komulumentu gumwe mepandaanda lya Abraham Mashego molukanda lwa Soweto e ta yugwa olaptopa ye ya kasha Oondola/N$ 9 000.
Esiku olyo tuu ndyoka, aafekelwa kaye shiwike oyi iteyela mokafeleta kamwe po Luxury Hills u li mepandaanda lya Sanderburg, e taya yaka mo iinima oyindji mwa kwatelwa Otelevisi nolaptopa. Otaku popiwa kutya iinima ayihe mbyoka ya kwa mokafeleta haka oyi na ongushu yOondola/N$25 000.
*Aantu yatatu taya fekelelwa eyako lyiimuna oya kwatwa po pomukunda gumwe gu li popepi na Opuwo omutenya gwOmaandaha, sho ya adhika noongombe dhi li ntano – taku popiwa kutya odhomunfaalama e ha ohambo pOkambombona.Oongombe dhika odhi na ongushu yoshimaliwa shOondola/N$ 4 600. Aafekelwa mbaka oye li mepipi lyokuza poomvula 19 no 20.
*Omulumentu gwoomvula 48 okwa kwatwa po pOpuwo mOmaandaha manga a li a ta kambadhala okulanditha ongombe ya yakwa.