Oshikondo shiilonga otashi ka shanga aakongi yiilonga moshilongo

OSHIKONDO shaaniilonga nonkalonawa yawo otashi ka longitha oodola oomiliona hamano okushangitha aakongi yiilonga ayehe moshilongo nombelewa yopashigwana yokugandja iilonga.

Omuwiliki gwopevi moshitopolwa shoompito dhiilonga, Abius Mwiya okwa lombwele O The Namibian oshiwike shayi kutya uuna ya mono iimaliwa mbika oku za kepangelo nenge kaagandji yomakwatho, uuministeli we otawu ka tameka oku dheula aantu 500 okuza miilonga yaagundjuka yopashigwana, omolwa iilonga yokushanga aantu mboka yaana iilonga. Omadheulo ngaka otaga ka kwata konyala uule womwedhi gumwe. Mwiya okwa ti okwiinekela iimaliwa mbyoka ya pumbiwa ota yi ka kala ya monika oku ya pehulilo lyomwedhi nguka. Nongele ayihe oyeende nawa nena omashangitho gaantu mboka yaana iilonga otaga ka tameka mu September nuumvo. Okwa ti omashango ngaka otaga kala oshilongo ashihe miitopolwa ayihe yili 13, noku gandja ompito kaantu mboka yaana iilonga ya vule okwiishangitha. Okwa ti omaishangitho ngoka ota ga ka kala uule womumvo gumwe opo kehe omuntu keena iilonga a vule okumona ompito yokwiishangitha.Okwa tseiyitha woo kutya Oshikondo she osha landa osystema ompe yokompiuta opo yi pungule uuyelele awuhe mboka. Uuna uukwatya awuhe wa tulwa mokompiuta ndjoka otawu ka tulwa mointernet moka aagandji yiilonga taya vulu okuwu tala nopwaana ofuto yasha.Nando aagandji yiilonga oya tegelelwa okwiishangitha noshowo oku tseyitha omahala giilonga ngoka yena pomahala gawo, mbaka ita ya ka thiminikwa opo ya kute aantu mboka yeli momusholondo gwopoombelewa dhaakongi yiilonga.Mwiya okwa ti ndele yo oya hala ngaa andola aagandji yiilonga ya pe aakongi yiilonga mboka yi ishangitha nombelewa ndjoka ya gandje oompito dhiilonga ngele otashi vulika kwaamboka.Okwa ti ombelewa ndjika otayi shangitha aakongi yiilonga noshowo otayi tala oku ya yelekanitha niilonga mbyoka yili po.Oshikwawo ota yi kala noku landula mboka yiishangitha nayo oku tala kutya mbaka oya mona iilonga nenge ota ya kongo natango iilonga. Sigo oompaka mboka yaana iilonga ina ya thiminikwa okwiishangitha nOshikondo shAaniilonga.