Oshiketha shokwiilongitha mOhangwena sha tuma yatatu kEilongo

O SHIKETHA shokwiilongitha aalongisikola mOshitopolwa shElongo sha Hangwena, shoka sha totelwe po omvula ya zi ko, sha tameka elalakano lyasho lyokwiilongitha aailongi mboka ya hala okukiilongela Uulongisikola miilongwa ngashi Omwaalu, Uudhindoli nOshiingilisa kIiputudhilo yOpombanda ngaashi ko University ya Namibia opo yee ya longe mOhangwena.

Egandjo lyoshimaliwa shika shokwiilongitha olya ningilwe mEtiyali pOombelewa dhOmuwiliki gwElongo moshitopolwa sha Hangwena tate Josia Udjombala. Aalongwa mboka ya tokola okukiilonga uulongisikola ko Unam oyo nee Fransina Haikola na Abednego Nghinyekwa, ayehe yaali ya li aalongwa mOseko yOpombanda ya Haimbili Haufiku pEenhana nosho wo Job Shikongo gwokOseko yOpombanda ya Eengendjo kwali pOmungwelume, ngoka te kiilongithwa kOkampani ya PetroFund, ndjoka yi li omuyambidhidhi omunene gwOshiketha shoka shOkwiilongitha sha Hangwena.Omuwiliki gwElongo mOshitopolwa sha Hangwena tate Josia Udjombala, ota ti kutya ngele mboka tayi ilongithwa oya mana, nena otaye ya okulonga Osikola mOosikola dhomoshitopolwa sha Hangwena moka uule woomvula ntano omanga inaya tokola pamwe ya ka longe ishewe kIitopolwa yilwe.Udjombala ta ti kutya egandjo lyoshimaliwa shika okuza moshiketha shoka opo sha totwa po ashike nokuli omvula ya zi ko eulikilo ewanawa koshigwana kutya yo mOshitopowla sha Hangwena oya kutha ko nomukumo esimano lyelongo neilongo mokati koshigwana notaya endele mpamwe nondjodhi yomumvo 2030.Udjombala ta pandula noonkondo ayehe mboka ya gandja notaya ka gandja sha natango koshiketha shika sha simana noonkondo meilongo lyoshiwgana shokomongula.Mboka nee ya pewa ekwatho ndika, otaye kiilongela unene Omwaalu, Uudhindoli nOshiingilisa.Oshimaliwa osha kwatela mo nee eishangitho niikulya, ehala lyokukala nokulala.Taya pewa okesha yoshimaliwa shomondjato noshowo shokweenda, ano shosheenditho okuya nokugalukila kegumbo.Udjombala ta indile nee kaailongi yatatu mbaka, ya kuthe ko ompito ndjika nomukumo omunene opo ye kiilonge nawa, ya ka pite nawa noyee ya longe nawa oshigwana shokomongula.Aalongwa mboka ya tokola okukiilonga uulongisikola ko Unam oyo nee Fransina Haikola na Abednego Nghinyekwa, ayehe yaali ya li aalongwa mOseko yOpombanda ya Haimbili Haufiku pEenhana nosho wo Job Shikongo gwokOseko yOpombanda ya Eengendjo kwali pOmungwelume, ngoka te kiilongithwa kOkampani ya PetroFund, ndjoka yi li omuyambidhidhi omunene gwOshiketha shoka shOkwiilongitha sha Hangwena.Omuwiliki gwElongo mOshitopolwa sha Hangwena tate Josia Udjombala, ota ti kutya ngele mboka tayi ilongithwa oya mana, nena otaye ya okulonga Osikola mOosikola dhomoshitopolwa sha Hangwena moka uule woomvula ntano omanga inaya tokola pamwe ya ka longe ishewe kIitopolwa yilwe.Udjombala ta ti kutya egandjo lyoshimaliwa shika okuza moshiketha shoka opo sha totwa po ashike nokuli omvula ya zi ko eulikilo ewanawa koshigwana kutya yo mOshitopowla sha Hangwena oya kutha ko nomukumo esimano lyelongo neilongo mokati koshigwana notaya endele mpamwe nondjodhi yomumvo 2030.Udjombala ta pandula noonkondo ayehe mboka ya gandja notaya ka gandja sha natango koshiketha shika sha simana noonkondo meilongo lyoshiwgana shokomongula.Mboka nee ya pewa ekwatho ndika, otaye kiilongela unene Omwaalu, Uudhindoli nOshiingilisa.Oshimaliwa osha kwatela mo nee eishangitho niikulya, ehala lyokukala nokulala.Taya pewa okesha yoshimaliwa shomondjato noshowo shokweenda, ano shosheenditho okuya nokugalukila kegumbo.Udjombala ta indile nee kaailongi yatatu mbaka, ya kuthe ko ompito ndjika nomukumo omunene opo ye kiilonge nawa, ya ka pite nawa noyee ya longe nawa oshigwana shokomongula.