Oshiketha shaShikoto sha gandja oshimaliwa shokwiilongitha

PONDANGWA A ANASIKOLA yaali Theopolina Kanime gwokIino popepi na Elim mUukwambi mOshitopolwa sha Musati na Wellem Amutenya gwokwIihongoyamvula mOndonga mOshitopolwa sha Shikoto oya ningi aanelago sho ya pewa oshimaliwa shokukiilongitha shithike pOoN$240,000 kOshiketha shomOshitopolwa shElongo sha Shikoto, ye shi pelwe pambelewa mEtitano lyeti 23 Februari 2007 pOndangwa kOmuwiliki gwElongo mOshitopolwa sha Shikoto meme Ester Nghipondoka na Kahewa kOshiketha shika Meya gwOshilando sha Winduka tate Mathew Shikongo.

Omupopi omunene poshituthi shegandjo lyIimaliwa mbika okwa li nee kahewa kOshiketha shika tate Mathew Shikongo. Omuyambidhidhi omunene gwOshiketha shika, ano Shell Namibia ngoka e li limwe lyomOmahangano omagandjimahooli moshilongo, naye okwa li a kalelwa po kugumwe gwomaanambelewa aakuluntu ye meme Mona-Liza Garises.Omahangano galwe ngoka ga yambidhidha oshiketha shika sho sha totwa po omvula ya zi ko, nago omo ga li moshituthi shika nokutala nkene Oshiketha shika tashi gandja oshimaliwa shika shokukiilongitha kaanasikola mboka.Aavali naakwanezimo yamwe ya Wellem na Theopolina nayo opo wo ya li poshituthi shegandjo lyoshimaliwa kuyo mpoka nokupandula shoka tashi ningwa po.Wellem ngoka a pita Ograde 12 pOsikola yOpombanda ya Shigambo omvula ya zi ko niitsa 40 noshowo Theopolina ngoka a mana Ograde 12 ye pOseko yOpombanda ya Shakati omvula ya zi ko niitsa 36 oya tokola ye kiilongele uulongisikola koUNAM muule woomvula omilongone twa thinda.Unene taye kiilongela iilongwa ngashi Omwaalu, Uudhindoli, Uunongo wokOomiuta nOshiingilisa.Oya ningi nee eindilo kOshiketha shika shi ya kwathele oshimaliwa shokukiilongitha.Oshiketha nee shika shOshimaliwa shokukiilongitha shOshitopolwa shElongo sha Shikoto, osha tokola okufutila aailongi mbaka.Kehe gumwe komvula ota futilwa N$30 000, shoka tashi ti muule woomvula ne okuza nuumvo otaya ka kala ya futilwa kOshiketha shika Oondola/N$240 000.Wellem na Theopolina oya tokola kutya sho taya mana eilongo lyawo otaye ya okulonga Osikola mOshitopolwa shElongo sha Shikoto, pauvathano ndjoka li li po.Pethimbo ta taamba ayehe mboka ye ya kOshituthi shika Omuwiliki gwElongo mOshitopolwa sha Shikoto meme Ester Nghipondoka okwa pandula ayehe mboka ye ya po.Ta pandula wo ayehe mboka ya gandjele sha koshiketha shika esiku sha totwa po omvula ya zi ko.”Oshiketha sha tameka okwiima iiyimati, tayi liwa ngashi kaanasikola mbaka yaali, sho taya pewa nena oshimaliwa shokukiilongitha.Ngeno hasho ngeno aailongi mbaka yaali otashi vulika lela ya kala inaya mona oshimaliwa shokukiilongitha ko UNAM, ashike nena oye li aanelago notaya kalya iiyimati yoshiketha shika,”meme Nghipondoka ta pandula aayehe ya gandja sha kOshiketha shika nokupandula wo Kahewa kawo tate Mathew Shikongo mokukala kahewa kawo nashi a thiki wo a popye sha poshituthigandja lyoshimaliwa shika kaanasikola mbaka yaali.Mokupandula Shell Namibia, ngoka omvula ya zi ko sho oshiketha shika sha totwa po a umbile mo ON$30 000, meme Nghipondoka okwe mu indile kutya na tsikile natango oku yambidhidha Oshiketha shawo shika ngawo na ina etha nandenande a dhengwe mo kugumwe i ili.Meme Nghipondoka ta indile wo kwaayehe ye uvite ko eilongo lyomunona ya tsikile nokuyambidhidha Oshiketha shawo shika opo shi kale shi na oshimaliwa oshindji shokuyambidhidha aanaasikola mboka ya hala okukiilongela uulongisikola kIiputudhilo yopombanda.”Kalunga ne mu yambeke amuhe mboka mwa gandjele sha kOshiketha shetu shika, yakwetu, “meme Nghipondoka ta ti ngawo.Nonande okwa li kwa thanekwa ngeno Oshiketha shika shi tameke ngeno nOoN$300,000 omvula ndjoka ya zi ko, osha li sha mono ashike OoN$295,146.46 lwaampoka na omo nee tamu kuthwa shoka shOoN$240,000 shoka tashi kiilongitha Wellem na Theopolina.Tashi ti osha yela kutya omwa pumbwa natango okweekelwa oshimaliwa oshindji opo shi vule okutsikila nelalakano lyasho.Aavali ya Wellem na Theopolina oya lombwela Oshifo shika kutya oya pandula noonkondo Oshitopolwa shElongo sha Shikoto sho sha tokola okugandja oshimaliwa shokukiilongitha kaanona yawo ngeyi noku shi halela eyambeko lya Kalunga shi tsikile noshilonga shika oshiwanawa unene koshigwana shokomongula.Omuyambidhidhi omunene gwOshiketha shika, ano Shell Namibia ngoka e li limwe lyomOmahangano omagandjimahooli moshilongo, naye okwa li a kalelwa po kugumwe gwomaanambelewa aakuluntu ye meme Mona-Liza Garises.Omahangano galwe ngoka ga yambidhidha oshiketha shika sho sha totwa po omvula ya zi ko, nago omo ga li moshituthi shika nokutala nkene Oshiketha shika tashi gandja oshimaliwa shika shokukiilongitha kaanasikola mboka.Aavali naakwanezimo yamwe ya Wellem na Theopolina nayo opo wo ya li poshituthi shegandjo lyoshimaliwa kuyo mpoka nokupandula shoka tashi ningwa po.Wellem ngoka a pita Ograde 12 pOsikola yOpombanda ya Shigambo omvula ya zi ko niitsa 40 noshowo Theopolina ngoka a mana Ograde 12 ye pOseko yOpombanda ya Shakati omvula ya zi ko niitsa 36 oya tokola ye kiilongele uulongisikola koUNAM muule woomvula omilongone twa thinda.Unene taye kiilongela iilongwa ngashi Omwaalu, Uudhindoli, Uunongo wokOomiuta nOshiingilisa.Oya ningi nee eindilo kOshiketha shika shi ya kwathele oshimaliwa shokukiilongitha.Oshiketha nee shika shOshimaliwa shokukiilongitha shOshitopolwa shElongo sha Shikoto, osha tokola okufutila aailongi mbaka.Kehe gumwe komvula ota futilwa N$30 000, shoka tashi ti muule woomvula ne okuza nuumvo otaya ka kala ya futilwa kOshiketha shika Oondola/N$240 000.Wellem na Theopolina oya tokola kutya sho taya mana eilongo lyawo otaye ya okulonga Osikola mOshitopolwa shElongo sha Shikoto, pauvathano ndjoka li li po.Pethimbo ta taamba ayehe mboka ye ya kOshituthi shika Omuwiliki gwElongo mOshitopolwa sha Shikoto meme Ester Nghipondoka okwa pandula ayehe mboka ye ya po.Ta pandula wo ayehe mboka ya gandjele sha koshiketha shika esiku sha totwa po omvula ya zi ko.”Oshiketha sha tameka okwiima iiyimati, tayi liwa ngashi kaanasikola mbaka yaali, sho taya pewa nena oshimaliwa shokukiilongitha.Ngeno hasho ngeno aailongi mbaka yaali otashi vulika lela ya kala inaya mona oshimaliwa shokukiilongitha ko UNAM, ashike nena oye li aanelago notaya kalya iiyimati yoshiketha shika,”meme Nghipondoka ta pandula aayehe ya gandja sha kOshiketha shika nokupandula wo Kahewa kawo tate Mathew Shikongo mokukala kahewa kawo nashi a thiki wo a popye sha poshituthigandja lyoshimaliwa shika kaanasikola mbaka yaali.Mokupandula Shell Namibia, ngoka omvula ya zi ko sho oshiketha shika sha totwa po a umbile mo ON$30 000, meme Nghipondoka okwe mu indile kutya na tsikile natango oku yambidhidha Oshiketha shawo shika ngawo na ina etha nandenande a dhengwe mo kugumwe i ili.Meme Nghipondoka ta indile wo kwaayehe ye uvite ko eilongo lyomunona ya tsikile nokuyambidhidha Oshiketha shawo shika opo shi kale shi na oshimaliwa oshindji shokuyambidhidha aanaasikola mboka ya hala okukiilongela uulongisikola kIiputudhilo yopombanda.”Kalunga ne mu yambeke amuhe mboka mwa gandjele sha kOshiketha shetu shika, yakwetu, “meme Nghipondoka ta ti ngawo.Nonande okwa li kwa thanekwa ngeno Oshiketha shika shi tameke ngeno nOoN$300,000 omvula ndjoka ya zi ko, osha li sha mono ashike OoN$295,146.46 lwaampoka na omo nee tamu kuthwa shoka shOoN$240,000 shoka tashi kiilongitha Wellem na Theopolina.Tashi ti osha yela kutya omwa pumbwa natango okweekelwa oshimaliwa oshindji opo shi vule okutsikila nelalakano lyasho.Aavali ya Wellem na Theopolina oya lombwela Oshifo shika kutya oya pandula noonkondo Oshitopolwa shElongo sha Shikoto sho sha tokola okugandja oshimaliwa shokukiilongitha kaanona yawo ngeyi noku shi halela eyambeko lya Kalunga shi tsikile noshilonga shika oshiwanawa unene koshigwana shokomongula.