ONKUNDANA ye tu zilila muuzilo Ondonga nUukwanyama otayi ti kutya Elelo lya Ndonga olya tokola okukutha ko oshitopolwa shimwe kombinga yUukwanyama, muuzilo wEkoka, shi na uunene wOokilometa mbali lwaampoka.
Onzo tayi ti kutya oshitopolwa shoka sha halika okukuthwa ko kElelo lyOndonga ooshoka sha Omana muuzilo wUukwanyama moka, ano muuzilo wEkoka ndyoka lya li hanga tali kondjelwa omathimbo ga zi ko.
kEpulo Omunashipundi gwElelo lyUukwanyama tatekulu George Nelulu ngoka e li Elenga enene lyOshikandjo shUulenga sha Eudaneko, okwa ti kutya nayo yomElelo lyAukwanyama oya uva oshinima shoka noye li taye shi konaakona. Ta ti oya tumine ko Opolisi yi ka tale shoka shi li ko.
Sho twa pula Opolisi ya Eenhana, Komanda ta kelele pehala gwOshitopolwa sha Hangwena Chief Inspecta John Lifasi, okwa ti kutya ina uva sha manga kwali kombinga yuupyakadhi wekondjelo lyehala pokati kElelo lyOndonga nolyUukwanyama.
Onzo ya yakela ko The Namibian oya ti kutya Elelo lyOndonga olya fa lya yile kOmana hoka mehuliloshiwike lya zi ko nokulangeka Oshitopolwa shalyo shoka.
Elenga enene Nelulu ta ti kutya yo sho ye shi, omukunda omunene nenge oshitopolwa shoka sha Mana otashi lelwa kElelo lyAukwanyama. Nande ongawo Elenga enene Nelulu okwa lombwela The Namibian ohela kutya Elelo lyawo otali mono uuyelele wiihwapo nawa ongula yonena.
Inatu vula okwiimona nOmupopiliko gwElelo lyOndonga, Elenga enene Boas Mweendeleli
pethimbo oshinyolwa shika tashi yi komanyanyangidho, opo e tu pe okomenda ye kombinga yoshinima shika.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
