Oshigwana sha Shakati kwatheleni okukelela omililo

ELELO lya Shakati olya pititha omushangwa moka tali indile koshigwana sha Shakati kutya shi kale tashi yambidhidha nokwiitula mo mekelelo nometakamitho lyomililo ndhoka hadhi fike po unene omagumbo gomondoolopa moka nomomudhingoloko.

Omupopiliko gwElelo lya Shakati Loth Nehemia ta ti kutya Elelo lya Shakati ohali kundana ethimbo nethimbo omililo ndhoka tadhi piyaganeke aakalimo yomOshakati pamukalo gwokufika po omagumbo, oositola, omaliko gawo nopomathimbo gamwe tagu dhipaga aantu noku ya lemaneka wo nokuli. Nehemia ta ti kutya ekotokelo lyomililo oshi li oshimpwiyu oshinene shakehe gumwe mondoolopa moka, sha kwatela mo aanamagumbo, aanangeshefa, Aawiliki yopambepo, aawiliki yOpamuthigululwakalo, aakalelipo yEpangelo noyomahangano ngoka gaashi gopapangelo noshigwana nee ashihe lela.Kehe gumwe mOshakati, Nehemia ta ti, na kale a takamitha nawa opo mpoka e li pwaa holoke omulilo nokufika po eliko lye nenge okudhipaga po nokuli aanegumbo lye nenge gu ya ehameke.Nehemia ta ti kutya hamuntu nande ta teme omulilo momapandaanda nenge popepi naampoka pu na iiyagaya nenge e yi fikile po mepandaanda.Hamuntu ta umbili uusikarete wa tema momapandaanda nenge ngaa shaampoka tapu vulu okukwata omulilo, haku fikila iiyagaya pomahala gokutula iiyagaya.Nehemia ta kumagidha a mana mo kutya kehe ngoka ho teme nokuminikila nokalehite, kala we ka dhima uuna to kotha nenge to zi mo megumbo nenge mondunda yoye.Eminikilo nuulehita nalyo nali takamithwe nawa lela.Omusamane Nehemia ta lombwele wo aakalimo yomOshakati kutya uuna wa adhika komulilo endelela wu lopote kOmbelewa yElelo lya Shakati hoka ku na aantu na kadhimamulilo ta longo ethimbo alihe, ano omutenya nuusiku.Onomola yongodhi yawo (Muni) ndjoka hayi dhengwa ito futu sha oyo, 0800224557.Ongodhi yokombelewa oyo 065/220805 nenge 065/221583.Aanambelewa yalwe ya Muni gwa Shakati mboka taya vulu okuningwa nayo ekwatathano uuna pwa holoka uupyakadhi womulilo ongashi nee tate John Nghihepa konomola ye yo 0811248597, meme Nkenene konomola 0811245582, tate Paavo konomola 0812481277, tate Munyama konomola 0812533909, T.Nghiwewelekwa konomola ye 0811281104, tate Ores Shilunga konomola ye yo 0811287064 nenge Valombola konomola ye yo 0812771154.”Natu longeleni ano kumwe yakwetu mokukelela okuhepekwa komililo notu keleleni eyanagulopo lyomaliko getu nehanagulopo lyoomwenyo dhetweni.Nehemia ta ti kutya ekotokelo lyomililo oshi li oshimpwiyu oshinene shakehe gumwe mondoolopa moka, sha kwatela mo aanamagumbo, aanangeshefa, Aawiliki yopambepo, aawiliki yOpamuthigululwakalo, aakalelipo yEpangelo noyomahangano ngoka gaashi gopapangelo noshigwana nee ashihe lela.Kehe gumwe mOshakati, Nehemia ta ti, na kale a takamitha nawa opo mpoka e li pwaa holoke omulilo nokufika po eliko lye nenge okudhipaga po nokuli aanegumbo lye nenge gu ya ehameke.Nehemia ta ti kutya hamuntu nande ta teme omulilo momapandaanda nenge popepi naampoka pu na iiyagaya nenge e yi fikile po mepandaanda.Hamuntu ta umbili uusikarete wa tema momapandaanda nenge ngaa shaampoka tapu vulu okukwata omulilo, haku fikila iiyagaya pomahala gokutula iiyagaya.Nehemia ta kumagidha a mana mo kutya kehe ngoka ho teme nokuminikila nokalehite, kala we ka dhima uuna to kotha nenge to zi mo megumbo nenge mondunda yoye.Eminikilo nuulehita nalyo nali takamithwe nawa lela.Omusamane Nehemia ta lombwele wo aakalimo yomOshakati kutya uuna wa adhika komulilo endelela wu lopote kOmbelewa yElelo lya Shakati hoka ku na aantu na kadhimamulilo ta longo ethimbo alihe, ano omutenya nuusiku.Onomola yongodhi yawo (Muni) ndjoka hayi dhengwa ito futu sha oyo, 0800224557.Ongodhi yokombelewa oyo 065/220805 nenge 065/221583.Aanambelewa yalwe ya Muni gwa Shakati mboka taya vulu okuningwa nayo ekwatathano uuna pwa holoka uupyakadhi womulilo ongashi nee tate John Nghihepa konomola ye yo 0811248597, meme Nkenene konomola 0811245582, tate Paavo konomola 0812481277, tate Munyama konomola 0812533909, T.Nghiwewelekwa konomola ye 0811281104, tate Ores Shilunga konomola ye yo 0811287064 nenge Valombola konomola ye yo 0812771154.”Natu longeleni ano kumwe yakwetu mokukelela okuhepekwa komililo notu keleleni eyanagulopo lyomaliko getu nehanagulopo lyoomwenyo dhetweni.