Oshigongi shoSWAPO mOshakati

OMUUNGANEKI gwOSWAPO mOshitopolwa sha Shana omusamane Erastus Uutoni,okwa tseyitha kutya mOlyomakaya ngaka twa thinda geti 14 Novemba 2009 mOshakati otamu ka kala oshigongi oshinene shOswapo, tashi ka ningilwa mOkapale okanene kOmaudhano ka Shakati notashi ka popithwa kOmupresidende gwOswapo tatekulu Hifikepunye Pohamba, ngoka wo e li
Omupresidende gwa Namibia.

Uutoni ta ti,oshigongi shika oshinene nosha simana otashi ka tamekapombali (14H00) yomutenya.Omusamane Uutoni ta ti oshigwana ashihe shOswapo shomOshitopolwa shaShana noshowo mIitopolwa yomuushiinda nosho tuu,osha tegelelwa koshigongi shika oshinene nosha simana. Tashi vulika osho sha hugunina tashi popithwa kOmupresidende Pohamba manga omahogololo Opaupresidende nogOshigongi shOpashigwana ngoka taga ka kala ko meti 27 neti 28 Novemba 2009 inaga thika.Omusamane Uutoni ota ti nee kutya iilyo naayambidhidhi yOswapo mbyoka yili kokule nOshakati nokayi na iiyenditho ota yi ka tutwa niihauto.Ta ti mboka taya zilile kOshikandjohogololo sha Kaku, otaya londelepOshekasheka nopOkandoolopa. Mboka yokOshikandjohogololo sha Ndangwa otaya londele pEheke, pu Master Life mOndangwa noshowo pomahooli gopoBP.yomOshikandjohogololo sha Katana, otaya londele pEkamba noshowo moondjila dha thinda kOshakati. Mboka yokOshikandjohogololo sha Mpundja opOngeleka ya Mpundja. Mboka yokOshakatiuninginino otaya londele nokuzilila kOshoopala taya pitula yomOshakatiuzilo.Mboka yokOshikandjohogololo sha Ngwediva kuuzilo washo, otaya londele pOmaala pOmusati gwOpoosa lwaampoka.Esiku olyo tuu ndyoka,manga Omupresidende Pohamba ine ya okuningaoshigongi kOshakati, ota ka egulula tango iilonga yondjila yaOkahao/Tsandi nOmakange,pokati kOkahao noTsandi.Omupresidende Pohamba otaka popitha wo oshigongi oshinene shOswapo pOmuthiya mOndonga mOshitopolwa sha Shikoto mOsoondaha ndjika twathinda, okuza sho ta zi pwaashoka sha Shakati mOlyomakaya.