Oshigongi oshinene shaanangeshefa mOngwediva

OMBELEWA yEhangano lyAanangeshefa moNamibia oya tseyitha kutya mEtitatu lyoshiwike tashi ya, ano meti 27 Mei 2009, otaku ka kala oshigongi oshinene shOkumumvo shAanangeshefa aashona naamboka yopOkati, tashi ka ningilwa mOshinyanga shOmaulikilo gIipindi mOngwediva mOshitopolwa sha Shana.

Omunambelewa ngoka e na sha nehumithokomeho lyaanangeshefa aashona naapokati, Cleo Moono ta ti kutya oshigongi shika oshinene shokomumvo shAanangeshefa mboka, osha simana noonkondo notashi ka kala oshiwanawa ngele aanangeshefa amuhe tamu ka holoka koshigongi sheni shika oshinene nosha simana.Moono ta ti kutya oshigongi shika ngele ayihe oyeende nawa ngashi ya than eka, otashi ka egululwa pambelewa koministeli yOmapangelo gOpaitopolwa, Omagumbo nEhumithokomeho lyOpaitopolwa Jerry Ekandjo konima ngele aanashigongi ya taambiwa ko ku Gavena yoshitopolwa sha Shana omusamane Klemens Kashuupulwa. Omunambelewa Omukuluntupitithi gwEhangano lyAanangeshefa moNamibia omusamane Tarah Shaanika naye omo taka kala moshigongi moka nokukutha ombinga megandjo lyomauyelele gi ili nogi ili giinima ya pamba aanangeshefa.Konima yoshigongi shika,ano kongulohi, Moono, ota ti kutya otaku ka kala uulalelo wa dhengambanda wa longekidhilwa aanangeshefa, ano aanashigongi shika kEhangano lyawo lyAanangeshefa, tau ka ningilwa mOpaaka ya BH mOngwediva.Aanangeshefa amuhe ano otamu ithanwa koshigongi sheni shika sha simana noonkondo, mu ye mu pulakene shoka tamu lombwelwa ne wo mu gandje omaudhigu geni, nosho tuu shoka mwa hala shi kale po, nenge mu ningilwe.