Oshigongi iilonga sha uvitha elaka

AAKIINTU nayalwe mboka ya kala iihakanwa yelongitho lyoonkondo ngashingeyi oye shi uuthemba wawo noshowo oye shi mpoka yena okulopota omiyonena ndhika.

Shika osho shimwe shomiinima mbyoka ya ndhindhilikwa kiigongi ilonga mbyoka ya ningwa kombinga yiilonga yelongitho lyoonkondo lya taalela aakiintu. Iigongi mbika oya li ya longekidhwa kehangano lya Women Action for Development omumvo gwa yi.WAD mekwathelo lya Spain okwa li a ningi iigongi mbika melongelokumwe na Unam,opolisi, nombelewa yOmbudsman okuyelithila oshigwana kombinga yii, yeti niilanduli yelongitho lyekuni.Iizemo yiigongi mbika oya tseyithilwe etitatu oshiwike shika mo Windhoek. Omuwiliki gwa WAD, Veronika De Klerk okwa ti osha li tashi nyanyudha okumona kutya iigongi mbika oya li yi hokiwe koshigwana nonkene ngashingeyi ha yi kalwa kaantu oyendji.Iigongi oya mono kutya elongitho nayi lyomalovu, iingangamithi, elongitho lyoonkondo kaakuluntu, uulongelwe wu li pevi, noshowo oohedhi oombwinayi oyo yimwe yomiinima hayi hwameke elongitho lyoonkondo momagumbo. De Klerk okwa ti omathaneko nomagwedhelepo ngoka yo ya taamba okuza kwaamboka ya kuthombinga miigongi mbika oshe ya kumike kutya oshigwana oshindji osha hala okutseya iilanduli yelongitho lyoonkondo momagumbo.