Oseko ya Kalongo ya lukululwa

OSEKO yOpombanda ya Kalongo mOshitopolwa sha Musati ndjoka ya kala yatseyika nawa nedhina Oseko yopom banda ya Kalongo ya mona edhina epe, ano ya lukululwa mOlyomakaya ngaka ga zi ko noya ningi Haudano ano tayi kala hayi ithanwa Oseko yoPombanda ya Haudano.

Omusamane Haudano Hangwali, otaku tiwa kutya oye a tota po Okalongo nosha monika shoopala Oseko ndjoka yi mu lukilwe noya opalela ngawo onkalo ya Kalongo nOmuthiguluwakalo gwako.
Omupresidende gwotangotango gwa Namibia, ano omukokolipresidende noku li
he yoshigwana sha Namibia Omundohotola Sam Shafiishuna Nujoma, ngoka a li a ende pamwe noministeli onkuluntu ya Namibia omusamane Nahas Angula noshowo nomupeviminista gwElongo me Becky Ndjoze-Ojo, oye a tula
miilonga elukululo lyOseko ndjika mOlyomakaya ga zi ko sha ningilwa pOseko mpoka mOnandjaba mOkalongo ka Haudano moka.
Oshituthi shelukululo lyOsikola ndjika osha li wo sha kalwa ku mwene gwOkalongo Elenga enene tatekulu Mathias Walaula nOmalenga ge kumwe nOoyene yomikund naantu yawo, Aaleli yOpambepo, Aanambelewa yEpangelo naamboka yaashi yEpangelo, Oondohotola nAapangi nOAanangeshefa, Aanafaalama, Aakuluntusikola,
Aalongisikola, Aanasikola, aagundjuka, aaleli yalwe yopashigwana nosho tuu. Molwashoka Haudano noshigwana she oya zile kOmbandja naaleli yalwe yokOmbandja naalelwa yawo yamwe nayo opo wo ya li poshituthi mpoka
nokutala nkene oseko ya kalongo tayi lukululwa nokuninga Haudano.
Pethimbo ta popitha oshigwana poshituthilukukulo mmpoka, Omukokolipresidende okwa pandula sho a ithanwa nesimaneko e ye a tule miiloonga pambelelwa elukululo ndika, ngashi naanaa a hiyilwe wo meti 18 Maalitsa 1995, e ye a egulule pambelewa Oseko oyo tuu ndjika ya Kalongo pethimbo ndyoka opo ya tungilwe noya li ompe. He yOshigwana ta ti kutya esiku ndjoka okwa li a indile aalongisikola kutya osikola ndjoka yi kale ehala moka uunongo washo tau ndjangekwa noondunge dhawo tadhi upikwa nawa nokukokekwa.
Noshowo okutya mOseko yatya ngawo mu kale hamu zi aalongwa ya longeka nawa notaya mono oonzapo dhopombanda uuna ya ya kiiputudhilo yopombanda. ‘Ondi wete kutya osikola ndjika ya Okalongo, onkee yi li komakankameno hoka twe yi tulile esiku ndyoka,’Omukokolipresidende ta ti ngawo n okugwedha po ta ti kutya okwe shi popya olundji nnolundji kutya oshilongo shetu osha pumbwa aantu ya
longeka nawa miinima yi ili noyi ili unene tuu miinima yomaunongononi
noyopautekenika, nokuwete kutya ayihe mbika otayi ka adhika uuna aanona
yetu tayi ilongo noonkondo.
Omukokolipresidende ta dhimbulukitha ayehe ye na sha nelongo, mwa kwatelwa aavali naakuluntu yalwe, unene tuu mOkalongo ka Haudano moka kutya Elongo nali itulwe neitulomo enene nolya yaga kegonga. He yoshigwana ta ti kutya aanona ya longwe evuliko, omithigululwakalo noshowo oonkedhinkulu dhoshigwana, okulonga
nuudhiginini noneitulomo opo ya pite omakonaakono gawo.
He yoshigwana ta indile kaalongi mpoka noshowo kewiliko lyOsikola ya gandje elongo lyongushu kaanasikola yaampoka. Aalongisikola ya kale aluhe yi ilongekidha nawa uuna taya ka gandja ootundi kaanona yawo mbaka.
Ta indile kwaayehe, unene tuu kaanasikola ya kale ya simaneka aakuluntu yawo noshowo aaleli yawo ayehe mwa kwatelwa unene mboka yOpamuthigululwakalo, n gsashi Aakwaniilwa/Eehamba nOmalenga.
Omukokolipresidende ta ti kutya omvula ndjika odhigu uuna tashi ya koshimaliwa, molwashoka Namibia oha tumu aluhe iikwaliko lye inayi longwa moo molwashoka ke na aantu ye na omaunongo oku yi longa mo noku ke yi landitha po ya longwa nale. nkee he yoshigwana ota ti kutya oshigwana sha Namibia nashi ilonge opo shi mone uunongo wokulonga mo iinima ayihe mbika nokuyelutha po emona lyasho noshilongo, ngashi iilongo iikwawo ya putika yi li.
Omukokolipresidende ta ti ngashi onkalo yi li ngashiingeyi, iilonhgo mbyoka ya putuka ohayi kutha mo omaliko getu inaga longwa m o. tayi ke ga longa mo nokuya ye tu landithe iinima yetu yene kondilo nokuli. Ano shi li ngeyi kutya omuntu ta kutha oombale miiyale yomepya lyoye, taka tunga iimbale, ye ote ya e ku landithe iimbale mbyoka a tunga noombale dha za mepya lyoye, molwashoka ngoye, nonando wu na oombale, ku shi okutunga iimbale.