Oprojeka yoonkondo ya Westcor natango oyi na ompito

OPROJEKA onene yokugandja olusheno kiilongo yuumbugantu wAfrika natango ota yi vulu okutungwa ndele oya pumbwa oku ta lalululwa.

Omunashipundi gwehangano lyehumokomeho lyuumbugantu wAfrika, omuperesidende Joseph Kabila sho a popitha oshigongi shoonkundana moKinshasa konima yoshigongi shoSADC omathimbo ga piti okwa ti oshigongi osha zimine kutya oprojeka ndjika yoodola oobiliona 38 dha Namibia ota yi vulu natango okutungwa.Edhiladhilo ndika olyiilongo itano yomiilongo 15 yaSadc mbyoka ya tunga po ehangano ha li ithanwa Western Corridor(Westcor), nelalakano opo li tunge oshitaasi shokudhiga olusheno talu longitha omeya gomulonga gwaKongo.Kabila okwa ti oprojeka ndjika natango ota yi vulu okuya komeho, kakele oya pumbwa oku kwatela mo iilongo ayihe mbyoka yili iilyo yoSADC.Westcor okwa tungilwe po kiilongo DRC,South Africa,Angola,Namibia na Botswana opo ya tale ngele ota ya longitha omulonga gwaCongo mokudhiga olusheno ndoka talu vulu oku andjaganekelwa miilongo mbika.Ehangano ndika ota li ka tameka iilonga yalyo omvula ta yi ya koprojeka yedhina Inga 3 ndjoka ta yi ka longa olusheno lwoonkondo dhoomegawatt 3 500 poshitaasi shi li pevi lyondama ya Inga pevi lyoshilongo sha DRC.Pehala mpoka opena nale iitaasi iyali yolusheno halu dhigwa kokulongitha omeya ndele mbika oha yi gandja ashike oopelesenda 60 pevi lyoonkondo dhayo.Oprojeka ndjika yaWestcor oya thaneka okutunga oongodhi dholusheno dhookilometa 3000 ndjoka ta yi kwatakanitha iilongo mbika itano koshitaasi shoka shili moDRC.Konima yeshaino lyeuvathano ndika DRC okwa hala oku nenepeka oprojeka ndjika yi kwatelemo Grand Inga koodola dhAmerika oobiliona 80.Oprojeka ndjika ngele ando oya pu ota yi vulu okudhiga olusheno ndoka ta lu vulu okutema nokugandja oonkondo kenenevi lyAfrika alihe.Etseyitho ndika lyomusamane Kabila kutya okwa hala iilyolongo ayihe yoSADC yikwatelwemo, osho onkambadhala oku okukaleka edhiladhilo ndika natango li li momwenyo iilyo ya Westcor osho ya dhiladhila ngaaka.Omuwiliki gwa Westcor okwa tile muKotoba omumvo gwa zi ko kutya DRC okwa pumbwa oku longa manga noprojeka ya Inga 3 manga inaa tameka no ku longa kondunge ya Grand Inga ndjoka aaniimaliwa kaa ye na omukumo oku futila.Iikundaneki moCongo oya kala ta yi pula kutya Inga 3 ota vulu ashike okulongwa ngele ehangano lyolusheno lyomoshilongo ota li vulu oku opaleka iikwamashina yalyo mbyoka olundji ya yonuka.Aatali nawa ota ya ti iilonga kooprojeka ndhika oya thikama oshoka kapena etsokumwe kombinga kutya oprojeka yini yi na okutamekwa pwaa ndhoka mbali.Poshigongi shoka omusamane Kabila okwa li a pulwa kutya DRC okwa tegelela shike oku za koSADC ngashingeyi sho e li omunashipundi. Okwa yamukula ina tegelela sha, molwaashoka aaKongo oye na okwiithikamena yoyene.