Opolisi ya Ndangwa ya pewa omagano

OPOLISI ya Ndangwa mOshitopolwa sha Shana oya pandula unene aanangeshefa yomOndangwa sho ya gandja omagano gUunamunate, iipundi, Oolamba noshowo Uumbisikiti nOkila yokutalaleka iikulya niikunuwa.

Omagano ngaka oga pewa nee Opolsi ndjoka yi li peinda lyOpOnethindi mOndonga mOshitopolwa sha Shikoto, ga tambiwako ku Chief Inspecta Moses Kashala pehala lya Komanda gwOpolisi mOshitopolwa sha Shana Komufal; a gwOpolisi Ndahangwapo Kashihakumwa, ngoka a adhika e li mefudho. Aanangeshefa mboka ya gandja omagano gUunamunate oyo nee mboka yOngalshe yOmahooli yedhina Kapana pOndangwa, ano tate Willem Archer na tate Gideon Globeler noshowo Omunangeshefa gwoositola dha Rani Traders Yasif Mithani omanga Omunangeshefa Teng Zhi gwOkampani yedhina Namdan Import and Export CC a gandja iipundi yiitenda nOolamba oonene dhokuminikila peinda mpoka. Chief Inspecta Kashala okwa pandula Aanangeshefa mbaka pehala lya Komufala Kashihakumwa, ta ti ekwatathano ndika lyopokati kOpolisi nAanangeshefa lya kala unene kOshakati nOngwediva, onawa lerla sho lye ya wo sigo omOndangwa. Ta indile kAanangeshefa ayehe yomOndangwa nomOshitopolwa ashihe ya tsikile ngeyi nokukwathela Opolisi noshow nokulongela kumwe nayo nawanawa opo ya kondjitha pamwe iimbuluma. Omusamane Archer okwa ti kutya yo ongaanangeshefa otaya pandula noonkondo Opolisi ya Namibia sho tauyi ya gamene nokugamena wo omaliko gawo. Ta ti yo, oya pandula noonkondo kelongelokumwe lyawo nOpolisi notaya tsikile okukala ngawo taya longele kumwe nOpolisi noku yi kwathela ngashi taye yi kwathele ngeyi. Okwa indila kAanangeshefa yakwawo nayo wo ya tameke okukwathela Opolisi moompumbwe dhawo, oshoka Eopangelo olyo alike itali ka gwanithila po Opolisi ashihe moompumbwe dhayo.