Opolisi ya dhitika oonganga dhoshiluudhe mUumbugantu

O POLISI poKeetmanshoop oya oya dhitike aazaizai yatano mboka ye li oonganga dhopashiluudhe ihe kaye na oombapila dhokulongela moshilongo.

Aazimbabwe yatano nOmumalawi gumwe oya dhitikwa mEtine lya zi ko konima sho Opolisi ya yakelwa ko koshigwana kombinga yoonganga ndhika, Komanda gwOpolisi mOshitopolwa sha Karas Komufala gwOpevi Josephat Abel ta lombwele ngaaka The Namibian. Mboka oyo nee Shame Marasha, Nelson Masvi, Tapiya Mhiyangiwa, Sam Masawi na Kingsley Karim.Mbaka yane oya li ya holoka mOmpangu ya Mengestrata poKeetmanshoop moshipotha shokulonga iilonga pwaa na oopelemeta dhokulonga.Okwa tegelelwa natango ya kale ya holoka mOmpangu oshiwike tashi ya.Konima sho aniwa ya konakonwa ku Komanda, aniwa gumwe okwa popi kutya oita vulu nokuli okupanga omukithi gwoAIDS.”Konima yiiwike shampa wa nu omiti, oto aluka thilu komukithi gwoAIDS,” Kingsley Karim gwokuMalawi ta lombwele ngaaka Abel.Abel ngoka e li ompinge neindjipalo lyoonganga dhopashiluudhe ndhoka tadhi indjipala noonkondo mondoolopa yawo, okwa indile oshigwana opo kaashi longithe we oonganga.”Aantu mbaka ohaya pula oshigwana oshimaliwa oshindji noonkondo okuza nokuli poondola/N$600 okuya pombanda mokausila owala okashona komiti dhopamuthigululwakalo,” Abel ta popi ngaaka a geya.”Oonganga ndhika dhiifundja odhe ya owala huka nelalakano lyokwiiyambapaleka niinima yoshigwana oshithigona,” Abel ta popi ngaaka.Oonganga ndhika ohadhi pula ofuto yi li pokati koondola/N$30 noondola/N$50 omanga inomu mona.Opolisi oya kwata ko wo iinima yopamalusheno mboka ya pelwe oonganga ndhika pehala lyoofuto.Iinima mbyoka ongaashi nee omasiga gokuteleka, oosikopa dhokutalaleka nosho wo ookomupiuta.Iinima mbika otayi pungulwa manga sigo ooyene taye ya yeyi ulike nenge tutye ye yi dhimbulule.Aniwa oonganga ndhika ohadhi panga aantu yaahoka kombinga yohole, kombinga yokuheena iilonga nosho wo kombinga yomaupyakadhi ge na sha niimaliwa.”Omolwashike itamu ka panga aakwashigwana yiilongo yeni mboka tandi dhiladhila kutya nayo oye li moluhepo olunene lwokwaana iilonga nosho wo ompumbwe onene yiikulya,” Abel ta pula ngaaka a hala okutseya okuyamukulwa kOonamunganga mboka.Pokati mpoka, Ngoloneya gwoshitopolwa sha Karas omusamane David Boois okwa indile oshigwana shi ikaleke kokule noonganga dhoshiluudhe – shika okwe shi popi pethimbo ta popitha oshigwana poshiithanene shetulomiilonga pambelwa lyOkomitiye yedhina Berseba Community Development Committee (CDC).Okomitiye ndjika oya li ya tulwa miilonga pambelewa mOlyomakaya ga zi ko pokandoolopamukunda hoka Berseba mUumbugantu woshilongo.Mboka oyo nee Shame Marasha, Nelson Masvi, Tapiya Mhiyangiwa, Sam Masawi na Kingsley Karim.Mbaka yane oya li ya holoka mOmpangu ya Mengestrata poKeetmanshoop moshipotha shokulonga iilonga pwaa na oopelemeta dhokulonga.Okwa tegelelwa natango ya kale ya holoka mOmpangu oshiwike tashi ya.Konima sho aniwa ya konakonwa ku Komanda, aniwa gumwe okwa popi kutya oita vulu nokuli okupanga omukithi gwoAIDS.”Konima yiiwike shampa wa nu omiti, oto aluka thilu komukithi gwoAIDS,” Kingsley Karim gwokuMalawi ta lombwele ngaaka Abel.Abel ngoka e li ompinge neindjipalo lyoonganga dhopashiluudhe ndhoka tadhi indjipala noonkondo mondoolopa yawo, okwa indile oshigwana opo kaashi longithe we oonganga.”Aantu mbaka ohaya pula oshigwana oshimaliwa oshindji noonkondo okuza nokuli poondola/N$600 okuya pombanda mokausila owala okashona komiti dhopamuthigululwakalo,” Abel ta popi ngaaka a geya.”Oonganga ndhika dhiifundja odhe ya owala huka nelalakano lyokwiiyambapaleka niinima yoshigwana oshithigona,” Abel ta popi ngaaka.Oonganga ndhika ohadhi pula ofuto yi li pokati koondola/N$30 noondola/N$50 omanga inomu mona.Opolisi oya kwata ko wo iinima yopamalusheno mboka ya pelwe oonganga ndhika pehala lyoofuto.Iinima mbyoka ongaashi nee omasiga gokuteleka, oosikopa dhokutalaleka nosho wo ookomupiuta.Iinima mbika otayi pungulwa manga sigo ooyene taye ya yeyi ulike nenge tutye ye yi dhimbulule.Aniwa oonganga ndhika ohadhi panga aantu yaahoka kombinga yohole, kombinga yokuheena iilonga nosho wo kombinga yomaupyakadhi ge na sha niimaliwa.”Omolwashike itamu ka panga aakwashigwana yiilongo yeni mboka tandi dhiladhila kutya nayo oye li moluhepo olunene lwokwaana iilonga nosho wo ompumbwe onene yiikulya,” Abel ta pula ngaaka a hala okutseya okuyamukulwa kOonamunganga mboka.Pokati mpoka, Ngoloneya gwoshitopolwa sha Karas omusamane David Boois okwa indile oshigwana shi ikaleke kokule noonganga dhoshiluudhe – shika okwe shi popi pethimbo ta popitha oshigwana poshiithanene shetulomiilonga pambelwa lyOkomitiye yedhina Berseba Community Development Committee (CDC).Okomitiye ndjika oya li ya tulwa miilonga pambelewa mOlyomakaya ga zi ko pokandoolopamukunda hoka Berseba mUumbugantu woshilongo.