Opolisi tayi kongo oombangi

OPOLISI ya Namibia otayi indile aalandithi yuukalata wethigathano ndyoka ha li ithanwa Scratch-a-Million opo ya kwatathane nayo. Shika ota shi pulwa oshoka opolisi otayi konakona iilonga yuumbudhi kombinga yoScratch-a-Million.

Aalandithi yuumbapila mbuka Scratch-a-Million otaya indilwa opo ya kwatathane nopolisi, ye yi kwathe, mekonakono lyayo, moshinima shuumbudhi ,nuulingilingi mboka tau fekelwa wa longwa kehangano ndika,osho omupopiloko gwomiyadhashinana,Omukonakoni omukuluntu, Angula Amulungu a ti.Mwene gwehangano ndika Scratch -a-Million Enterprise CC,Freddy Situmbeko, okwa li a kwatwa nokwa egululilwa iipotha itatu yuulingilingi noshowo ekotokelo muNovomba 2009.Oshipotha ashike shimwe shaambika shi na sha niilonga yuumbapila wethigathano hali ithanwa Scratch-a-Million.Situmbeko okwapewa iikulilemo noodola 30 000 mo 30 gaNovemba 2009.Okwa tindi kutya oku na ondjo momataneko ngoka. Shika okwe shi tindi pethimbo a li ta indile a pewe eifutilemo mompangu yaMengestrata moVenduka.Opolisi ota yi ti iiwike itatu konima sho a mangululwa, Situmbeko pamwe nehangano lye Scratch -a-Million Enterprise CC oyi iyadha ya palamenwa keindilo lyapitile mompangu yopOpombanda moVenduka, moka Omweeti gwiipotha ndjai, a pewa elombwelo lyopampangu opo eyalulo nenge okambo kiimaliwa ka Scratch-a-Million ka edhilwe pakathimbo kaakukuthwe nando oshimaliwa.Momishangwa komeho gOmpangu yopOpombanda, omukonakoni gwopolisi yokukeelela iimbuluma yopamahupilo, Shisande Omutalinawa, Florence Muzani okwa ti, pamakonakono ngoka ganingwa kombinga ya Scratch-a-Million, okwa ndhindhilikwa aniwa kutya iilonga yehangano ndika ota yi ulike, mokambo kehangano mwa tulwa iimaliwa ya za kuukalata womikuli wopondje, ndele aniwa ooyene yuukalata mbuka otaya ti yo inaya gandja epitikilo opo, iimaliwa yawo mbika yi kuthwe ko, yo yi tulwe ando mokambo ka Scratch-a-Million Enterprise CC.Omushangwa komeho gompangu ogwa ti mokambo ka Scratch -a-Million omwa tulwa iimaliwa pamukalo ngoka yoodola omayovi 736 000, ndele ooyene yuukalata hoka iimaliwa mbika ya zi ota ya ti kayena uunongo wa sha kutya oya gandjele uuthemba opo iimaliwa yatya ngaaka yi kuthweko, Muzani osho a ulike.Pethimbo eindilo ndika lya ningwa opo okambo haka ka Scratch-a-Million ka mwenekwe itaa ka, longithwa kumwene gwako, palombwelo nopamulandu gwopampango yokukeelela Iimbuluma ya longekidhwa, mompangu yopombanda mu Desemba 2009, Muzani okwa li ena uumbangi woombangi 11 dhaantu yoko America, mboka ya ti kutya yo ka ye na esiku ya gandjele uuthemba opo iimaliwa yawo yi kuthwe ko kuukalata wawo opo yi tuminwe kokambo ka Scratch-a-Million.Meindilo olyo tuu ndyoka Omweeti gwiipotha Ndjai, Martha Imalwa okwa tseyithile ompangu kutya, Situmbeko nayakwawo moshipotha shika, ota ya ka tamanekelwa okukonga iimaliwa pamukalo gwokudhana ompito yelago nenge shoka tashi faathanithwa na dhengeshina nokaa yena uuthemba okushininga pampango ya dhengeshina, Lotteries Act.Na ota ya tamanekelwa woo okuyoga iimaliwa ya luudha sho taya yono ompango ndjika yokukeelela iilonga mbika, Prevention of Organised Crime, sho taya fekelwa ya yaka, noya kotokela.Amulungu okwa indile aalandithi ayehe yuukalata wo Scratch-a-Million opo ya kwatathane nopolisi ndjoka yi li popepi nayo, nenge ya mone Detective Inspector, Rector Sandema kongodhi [061] 209 3344 nenge ko 081 149 7984.