Opolisi ta yi konakona eso mokila

OPOLISI ya Namibia otayi konakona omapopyo gofamily yimwe ndjoka ta yi kutya omukwanezimo gwawo gumwe okwa li a tulwa mokila yomOkahandja omanga aniwa ena omwenyo.

Omugandjimalombwelo gwomiyadhashinana, moshitopolwa shaKhomas, Komufala, Samuel //Hoebeb okwa tseyitha kutya iilyo yetanga lyomanyenyeto lyopolisi, naambyoka yokoshikondo shookila oya lombwelwa opo yi ka konakone omupopyo nguka gwa ningwa kezimo lyomufekelwa medhipago, Nekongo!Naobeb.!Naobeb oku li mondholongo mOkahandja shi na sha neso lyomukadhona gwe, ngoka taku tiwa okwa si sho ye, emu tsu nombele, esiku lyoKrismesaJudika Poppie !Uri#khos oya li pamwe nomulume pofaalama yedhina Klein Barmen popepi na Gross Barmen, nezimo lya !Naobeb.Ota ku tiwa mbaka oya li taya tamanana sho ya thigi po ofaalama potundi ontiyali yokoongulasha na ota ku tiwa !Naobeb okwa tsu omukadhi nombele metundji.Aakwezimo oya li ya lombwele oThe Namibian kuyele kutya !Uri#khos okwa kambuka omanga !Naobeb nooyakwawo ya ka konga ekwatho ndyoka lya monika ashike potundi ontine yongula.Aapolisi yaali mboka ye ya pehala mpoka aniwa oya ti kutya omukiintu nguka okwa sa noya kutha omudhimba gwe eta ye gu fala kokila mOkahandja.Oonzo odhindji moshilando shoka mwakwatelwa omumwayina gwa !Naobeb mboka ya yi kokila esiku lya landula opo ya ka ulike omudhimba, oshowo omupangi poshipangelo nomuhingi gwo ambulance oya ti sho okila ya egululwa,omudhimba gwa !Uri#khos ogwa li gwa tanauka, naashika oshe ya dhiladhilitha kutya okwa li ta kambadhala oku za mo mokila.Oya ti aniwa omeho ge oga li ga tonata nokana ke okwa li kwa eguluka nomaako ge oga li ga siikila oshipala she.Oombangi odhindji ndhoka dha popi noThe Namibian kombinga yaashika odha ti odha pula pulwa kaanambelewa yopolisi mboka ya tumwa oku za koVenduka, oku konakona omapopyo ngaka.Onzo yimwe oya ti aaniilonga yomoshipangelo oya li ya ithanwa noya londodhwa kutya otaya ka kanitha iilonga yawo.Onzo yopolisi kuyele oya li ya koleke kutya kapena ndohotola ngoka a gandja eshilipaleko kutya omuntu nguka okwa sa dhoshili esiku ndyoka taku fekelwa a mana oondjenda.Omunambelewa okwa koleke kutya nonando ongawo, oshilalo sha !Uri#khos osha li sheso na okwa li ena okusa pwaana malimbililo.!Noabeb okwa holokele mompangu oshiwike sha yi noshipotha she osha undulilwa ko 23 ga Febuluwali.Okwa tindilwa okwiifutila mo, ndele okwa li a pewa omayele opo a ninge eindilo lyokwiifutilamo.Ina pulwa opo a popye kutya oku na ondjo medhipago.