Opolisi poSwakopmund oya ndopeka oopulanda dhomayugo

O POLISI poSwakopmund oya li ya dhitike aalumentu yaali mOmaandaha goshiwike shika konima sho ya adhika noombistoli mbali dhaa na oombapila.

“Otuna omatompelo okupopya kutya oya li taya pulanda omayugo kwahomatiwa komunkulofuta,” Komanda gwopashitopolwa shoka mOpolisi ya Namibia Komufala gwOpevi Festus Shilongo ta popi ngaaka mEtitatu. Ta ti Opolisi oya kala nokulandula omainyengo gaalumentu mbaka pokati ka Walvis Bay na Swakopmund.Pethimbo ya dhitikwa, oya adhika noombistoli mbali dhoomilimeta omugoyi (9mm), Shilongo ta popi.Gumwe gwomaalumentu mbaka okwe shi pondola okuhenuka nokufadhuka po konima sho a mangwa komake.Mukwawo oku li natango mokakuka kOpolisi.Shilongo ta ti okuniwe eitaalo ndika kutya mbaka yaali oya li ya kutha ombinga meyugo kwa homatiwa po Walvis Bay mpoka pwa li pwa yugwa ositola yOmukiina gumwe nokuyakwa oshimaliwa shoondola/N$40 000 omasiku ga zi ko.Okwa londodha aanangeshefa opo ya yande okungeshefa konima yoowili dhiilonga.Opolisi yoshitopolwa sha Erongo oya dhitike wo aalumentu yaali shi na sha niimaliwa yiifundja po Walvis Bay nosho wo poSwakopmund.Iimaliwa ya Namibia yongushu yoondola/N$700 oya li ya kwatwa ko, Shilongo ta gandja ngaaka uuyelele.Ta ti moshiningwanima shimwe, mwene gwositola okwa dhimbulula omuntu gumwe ta futu iinima noshinima shiifundja.Moshiningwanima oshiwawo, omukiintu gumwe okwa dhitikwa konima sho mwene gwehala mpoka ha hiila (ha thithi) a dhimbulula kutya okwe mu futu niimaliwa yiifundja.Shilongo ta ti naantu mboka inaya tseya ngele oya humbata iimaliwa yiinfundja otaya vulu okudhitikwa.”Iimaliwa yiinfundja oyi na omalwaala ga tsa, omanga kayi na omandhindhiliko gamwe gopambelewa,” shilongo ta ndungike ngaaka oshigwana.”Oshigwana nosho wo aanangeshefa naya kale ya kotokela iimaliwa yiifundja nokulopotela Opolisi oshimaliwa kehe tashi nyikwanyikwa.”Ta ti Opolisi oya kala nokulandula omainyengo gaalumentu mbaka pokati ka Walvis Bay na Swakopmund.Pethimbo ya dhitikwa, oya adhika noombistoli mbali dhoomilimeta omugoyi (9mm), Shilongo ta popi.Gumwe gwomaalumentu mbaka okwe shi pondola okuhenuka nokufadhuka po konima sho a mangwa komake.Mukwawo oku li natango mokakuka kOpolisi.Shilongo ta ti okuniwe eitaalo ndika kutya mbaka yaali oya li ya kutha ombinga meyugo kwa homatiwa po Walvis Bay mpoka pwa li pwa yugwa ositola yOmukiina gumwe nokuyakwa oshimaliwa shoondola/N$40 000 omasiku ga zi ko.Okwa londodha aanangeshefa opo ya yande okungeshefa konima yoowili dhiilonga.Opolisi yoshitopolwa sha Erongo oya dhitike wo aalumentu yaali shi na sha niimaliwa yiifundja po Walvis Bay nosho wo poSwakopmund.Iimaliwa ya Namibia yongushu yoondola/N$700 oya li ya kwatwa ko, Shilongo ta gandja ngaaka uuyelele.Ta ti moshiningwanima shimwe, mwene gwositola okwa dhimbulula omuntu gumwe ta futu iinima noshinima shiifundja.Moshiningwanima oshiwawo, omukiintu gumwe okwa dhitikwa konima sho mwene gwehala mpoka ha hiila (ha thithi) a dhimbulula kutya okwe mu futu niimaliwa yiifundja.Shilongo ta ti naantu mboka inaya tseya ngele oya humbata iimaliwa yiinfundja otaya vulu okudhitikwa.”Iimaliwa yiinfundja oyi na omalwaala ga tsa, omanga kayi na omandhindhiliko gamwe gopambelewa,” shilongo ta ndungike ngaaka oshigwana.”Oshigwana nosho wo aanangeshefa naya kale ya kotokela iimaliwa yiifundja nokulopotela Opolisi oshimaliwa kehe tashi nyikwanyikwa.”