Opolisi otayi kongo natango omuntu gumwe

NATANGO opolisi oyi li molukongo lwomulumentu gumwe gwomwaamboka ya li ya ponokele aananegumbo lya Meya nale gwa Venduka, Vivienne Graig.Opolisi oya ti omuntu ngoka okuli natango pondje inaa kwatwa.

Komufala gwopevi gwopolisi moshitopolwa sha Khomas, Silvanus Nghishidimbwa okwa koleke kutya opolisi ina yi kwata natango omufekelwa gwongundu yaalumentu mboka yane.Graig nomulume Ian McLaren oya li ya dhengwa niitenda kongundu yaaponokeli mboka, konima sho mbaka yiiteyele megumbo lyawo mesiku lyotango lyomwedhi nguka, nokuyaka mo oteevee nayilwe.Graig okwa li a ningwa oshilalo shoka shaka hondjwa iikando 32. Opolisi oya li ya kwata aalumentu yatatu omasiku omashona konima yoshiningwanima shika. Aalumentu mbaka, Paulus Lukas, Absalom Akwaya na Thomas Amutenya otaya ka holoka mOmpangu ya Mengestrata gwa Venduka, momasiku 19 ga August 2011.