Opolisi mOshana otayi shi enditha nawa, Kashuupulwa ta ti

NGOLONEYA gwoshitopolwa sha Shana tate Clemens Kashuupulwa mEtiyali lyoshiwike shika okwa li a pandula Opolisi yomoshitopolwa she molwashoka aniwa oya shunitha pevi iilonga yiikulumuna moshitopolwa.

Kashuupulwa shika okwe shi popi poshituthi shegandjo lyoombandi dhAapolisi moshitopolwa sha Shana ye li 27, mboka ya gwanitha oomvula omulongo miilonga. Okwa ti pethimbo lya Krismesa lyomumvo 2006, moshitopolwa sha Shana omwa li mwa lopotwa iiponga yiihauto yi li 102 (mbyoka ya li ya faalelele oomwenyo dhaantu ye li 34), ihe pethimbo lya Krismesa yomumvo gwa zi ko, omwa li ashike mwa lopotwa iiponga yiihauto yi li 88 (ya li ya faalele oomwenyo dhaantu ye li 14).Kashuupulwa okwa ti omasiku ngaka, Opolisi ya Shana oyo ashike ya kala tayi popiwa moshitopolwa nomoshilongo ashihe, sho ye shi enditha nawa mokukwata aafakelwa ngashi mboka ya li taya popilwa eteyo lyeshina lyiimaliwa lyOmbaanga ya FNB pOngalashe yomahooli ya Chris Nunes pOngwediva naamboka ya li taya fekelelwa eyugo kwa homatiwa pOngalashe yomahooli go BP pOndangwa omwedhi gwa zi ko.Okwa ti Opolisi ya Shana oya kwata ko iinima ya li ya yakwa yomwaalu omunene.Kashuupulwa okwa lombwele Aapolisi mboka ya pewa oombandi dhoomvula omulongo kutya shika nashi kale etsomukumo kuyo ya longe nuudhiginini, mokukondjitha uukiliminola moshitopolwa.Aapolisi mbaka oya li ya pewa oombandi dha yoolokathana.Okwa ti pethimbo lya Krismesa lyomumvo 2006, moshitopolwa sha Shana omwa li mwa lopotwa iiponga yiihauto yi li 102 (mbyoka ya li ya faalelele oomwenyo dhaantu ye li 34), ihe pethimbo lya Krismesa yomumvo gwa zi ko, omwa li ashike mwa lopotwa iiponga yiihauto yi li 88 (ya li ya faalele oomwenyo dhaantu ye li 14).Kashuupulwa okwa ti omasiku ngaka, Opolisi ya Shana oyo ashike ya kala tayi popiwa moshitopolwa nomoshilongo ashihe, sho ye shi enditha nawa mokukwata aafakelwa ngashi mboka ya li taya popilwa eteyo lyeshina lyiimaliwa lyOmbaanga ya FNB pOngalashe yomahooli ya Chris Nunes pOngwediva naamboka ya li taya fekelelwa eyugo kwa homatiwa pOngalashe yomahooli go BP pOndangwa omwedhi gwa zi ko.Okwa ti Opolisi ya Shana oya kwata ko iinima ya li ya yakwa yomwaalu omunene.Kashuupulwa okwa lombwele Aapolisi mboka ya pewa oombandi dhoomvula omulongo kutya shika nashi kale etsomukumo kuyo ya longe nuudhiginini, mokukondjitha uukiliminola moshitopolwa.Aapolisi mbaka oya li ya pewa oombandi dha yoolokathana.