Ehangano ledina Namibian Estate Agents Board (NEAB) ola ti kashi li paveta ngee oovenhe veenhele novakalelipo ava tava pula oshimaliwa osho hava pula petameko lohiila nde ihashi alulwa.
Omukulunhuwiliki woNEAB Festus Unengu okwa ti oovene veenhele itava dulu okuninga oshimaliwa osho hashi futwa ko petame ko ihashi alulwa.
“Oshimaliwa osho hashi futwa ko petameko osho munhu ou ta hiila. Omuhiili oheshi yandje ashike kumwene wonhele opo a kaleke po elineekelo komuhiilifi fiyo efimbo olo omuhiili ta di mo monhele yaye,” Unengu osho a ti ngaho.
Okwa weda ko vali kutya kashi li paveta okuninga oshimaliwa osho ihashi alulwa, oveta yohiila osho tai ti ngaho.
Oveeta yohiila otai ti, mwene wonhele na yandje okambapila komafutilo taka popi kutya oshimaliwa otashi tuvikilwa.
“Ngee omuhiili tadi mo monhele, omuhiilifi na yandje oshimaliwa shovanhu osho kwa li a pewa petameko kwa wedwa oishoshela, tamu di oshimaliwa shokuwapalekifa opo omunhu anyonauna ile a teya ile a kanifa oshapi,” Oveta yohiila osho tai ti ngaho.
Unenga okwa ti oshimaliwa eshi oshokulongifwa ngee omuhiili ta fiye po onhele yovanhu, opo shi wapalekife onhele i shune moukwatya omo omuhhili ei hangele.
“Natango nefimaneko linene dimbuluka kutya omuhiilifi oku na oshinakuwanifa paveta yoifendela yedu noinima ishe ya pamba onhele oyo. Oimaliwa ei tai nanwa ko oyo yo ashike yokuwapaleka opo omuhiili a nyanauna ile a teya.”
Oveta yaNamibia otai ti, oshinakuwanifa shomuhiilifi shokufila oshisho onhele oyo tai hiilwa pefimbo mu na omunhu, momukalo uwa opo i kale tai dulu okuhiilwa.
Omulongi moinima i na sha nokuhiila eenhele nomaumbo Gabriel Heita okwa ti oshinima eshi shovahiilifi itava shunifa oshimaliwa shovanhu osho kwa li va pewa petameko inashi udika nale shaashi osho munhu ou ta hiila notashi dulu ashike okulongifwa okuwapaleka opo omuhiili anyanauna ile a teya,” Heita osho a ti ngaho.
Heita okwa ti shimaliwa eshi ihashi shunifwa oshimaliwa ashike osho hashi longifwa pokulongekida omikanda opuwo.
Oshimaliwa eshi oshimaliwa osho ovahiilifi vamwe hava pula pefimbo lokuninga eindilo.
Okwa ti oshinima eshi shokupula oshimaliwa itashi shunifwa ngee omunhu ta fiye po onhele yoye otashi etwa ashike kokuhalandula omilandu.
Petameko lodula ei, Unenga okwa li a popya kutya ovahiili inava fininikwa va fute oshimaliwa shi fike poshimaliwa shohiila yavo petameko.
Okwa ti vali ovahiili ove na oufemba wokupula oumbangi kutya oshimaliwa shavo osho va futa ko osha tuvikilwa, nosho yo okupula kutya otashi keya kwawedwa oishoshela i fike peni.
Unenga okwa pula ovahiili opo va pule ouyelele ou ve u pewe u li pamishangwa.
“Omunhu ou te ku vatele mokumona onhele ei neku lombwele kutya ou na oufemba woishoshela oyo,” Unengu osho a ti ngaho.
Unenga okwa ti, omanga pakala pu na omatomeno ahapu ovanhu tava anye okushunifa oimaliwa yovanhu, omuhiili ke na nande oshinakuwanifa shokuva oaleka oinima yongaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
