Ooranda 200 oonkulu otadhi shunithwa

O
MBAANGA ya Namibia oya koleke onkundana ndjoka tayi ti omafo gooranda 200 omakulu ga South Africa otaga kuthwa mo momalanditho.

Ombaanga oya ti omuntu kehe ena oshimaliwa sha tya ngaaka okwa tegelelwa oku shi fala kombaanga ye yopaipindi omanga omwedhi nguka inaagu sa.Nokonima yaasho, omwedhi gwa May gwa si nena ngoka ta ka kala inaa shunitha iimaliwa yomafo ngoka ota vulu okushunitha iimaliwa mbyoka kombaanga yopokati ya Namibia.Ombaanga ota yi kumike oshigwana opo shi fale iimaliwa yoludhi ndoka koombaanga dhopaipindi dhomiilando yawo. Oya ti na shi uvikiweko kutya ombaanga onene ya South Africa oya hulitha oku longa iimaliwa yomafo yatya ngaaka molupe ndoka yili ngashingeyi na inapa tegelelwa ando omafo goludhi ndoka taga ka tegelelwa ga etwe moshilongo momwaalu ogundji.Ombaanga oya ti ota yi,yambidhidha ombaanga ya South Africa moku kuthamo iimaliwa mbyoka momudhingoloko gwiimaliwa moNamibia.Momi 21 ga April nuumvo omuwiliki gwombaanga ya South Africa, Gill Marcus okwa tseyithile momushangwa kundaneki kutya opena oombudhi tadhi fekele iimaliwa yomafo randa omathele gaali niimaliwa yiifekela oya li oyindji momalandithilo.Omolwashika ombaanga yopokati ya South Africa oya tokola okukuthamo omafo agehe gooranda omathele gaali oku ya sigo opehulilo lyomwedhi nguka.