OONYATI dha konda pomathele gaali, omasiku ga zi ko odhi iyadha pokati komeye gefundja moshitopolwa sha Caprivi, sho dha ndopa okuza mo mehala moka dha li manga omeya ngaka inaga thika mo.
Omukuluntuwiliki gwopevi gwOshikondo shOpaaka dhIiyamakuti mUuministeli wEgameno lyUuntshitwe nOmatalelopo, Colgar Sikopo, okwa lombwele The Namibian kutya oonyati dhi li 200 odha tikininwa komeya pu Kasita omanga dhilwe dhi li 150 dha yi monkalo ya fa wo ndjika pu Kabulabula. ‘Otu wete kutya oonyati dhika inadhi vulu okuya komahala ngoka ga londa, molwashoka odha li dhi na uunyatigona oundji,’ Sikopo osho a popi ngaaka. Nande ongaaka, Sikopo okwa oshinima shika ina shi faalele nande onyati yimwe.
Pethimbo ndika, oonyati dhika odhi li pokantuntu kamwe pu Kasika omanga dhimwe dhi li pu Kabulabula, ka kwatathana ke no Savanna Lodge.
‘Odhi li megameno ewanawa,’ Sikopo ta gwedha po ngaaka. Okwa ti molwashoka osha li sha monika mo kutya oonyati dhimwe odha li dha fa tadhi kanitha omalutu omolu omwiidhi kagu po nawa, Uuministeli mbuka ow alanda ooshaka dhiikulya yadho.
Sikopo okwa ti nonande oonyatai iiyamakurti ya nika oshiponga, sigo onena
inaku uvika dha yi mumwe naantu hoka. ‘Ota tu tsikile nokudhi pa iikuluta,’ Sikopo ta popi.
Paveta ya Namibia yi na sha negameno lyiiyamakuti, onyati oshinamwenyo hashi vulu ashike okudhipaga, uuna omuntu e na opelemeta okuninga ngaaka.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
