OONKWATWA dha tegelela epangulo 16 odhiiyaka poshitaasi shopolisi moKatutura moka dha li dha edhililwa. Otaku tiwa oonkwatwa ndhika odhiiyaka poshitaasi shika konima sho dha tete iitenda yopomakende gondholongo ya wo moka dha li dha edhililwa.
Opolisi ina yi tseya natango kutya mbaka oya longitha shike okuteta iitenda mbyoka.Yatano yomwaambaka ya li ya fadhuka po oya kwatwa na oya galukila nale mehala moka yi iyakele. Yaali ota ku tiwa oya kwatwa sho ya li taya kambadhala okuyuga moKatutura ongulohi yoSoondaha. Yaali yalwe oya kwatelwa moKatutura osoondaha omanga, omufadhukipo omutitano iigandja yemwene kopolisi Omaandaha. Oonkwatwa ndatu odha edhililwa tadhi tamanekelwa edhipago, okuyuga neteyo noshowo okuyaka. Opolisi ina yi tya sha kombinga yomatamaneko ga ningilwa onkwatwa ndjoka ya hupuko. Onkundana inaa yi kolekwa oya ti aanandholongo yaali oyi iyaka mokakuma iiwike iyali ya piti.Gumwe aniwa okwi iyaka moshipangelo shaKatutura omanga eli metonatelo lyomutonateli gwondholongo.Oonzo ota dhi ti omufekelwa nguka okwa yi kokandjugo uusiku nokwa pitile moshihoko shokandjugo.Omufekelwa omutiyali okwii yaka miikaha yompango a pitile mekende lyokandjugo omanga a li iile mompangu moshilando shaWitvlei.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
